លោក ចាប ចៀន៖ «ខំរៀន ខំធ្វើការ ខំសម្រួលខ្លួន ជាកត្តាធ្វើឱ្យចូលចុះគ្រប់ជំនាន់»
ចុះផ្សាយនៅថ្ងៃ៖
ស្តាប់ - ១១:៥៨
នៅក្នុងនាទីជីវិតជោគជ័យ របស់វិទ្យុបារាំងអន្តរជាតិ RFI នៅថ្ងៃនេះ សួង សុខភារី សូមនាំលោកអ្នកនាងឱ្យបានស្គាល់ពីដំណើរជីវិតរបស់លោក អ៊ុក សុវណ្ណារិទ្ធ ដែលមហាជនជាច្រើនស្គាល់ថា «ចាប ចៀន» តារាកំប្លែងមិនចេះរីកស្ងួតច្រើនសម័យកាល។ ផ្តើមចេញពីអ្នកជំនាញផ្នែកសិល្បៈសៀក លោកចាប ចៀន មានស្នាដៃជាច្រើន រហូតទទួលបានគ្រឿងឥស្សរយស និងព្រះរាជ្យក្រឹតពី សម្តេចព្រះមហាវីរក្សត្រ ព្រះបរមរតនកោដ្ឋ នរោត្តម សម្តេច សីហនុ។ ហើយលោកក៏ទទួលបានការកោតសរសើរពីលោកប្រមុខដឹកនាំរដ្ឋាភិបាលកម្ពុជា និងធ្លាប់ទទួលមេដាយមាស និងលិខិតសរសើរ ពីអង្គការជាតិ អន្តរជាតិមួយចំនួនដែរ។ មិនត្រឹមតែប៉ុណ្ណោះ លោក ចាប ចៀន អាចរក្សាកេរ្តិ៍ឈ្មោះច្រើនជំនាន់តាំងពីទស្សវត្សន៍ ៨០ រហូតមកដល់សព្វថ្ងៃ។ ទាំងនេះ ព្រោះលោកចាប ចៀន បានប្រកាន់ខ្ជាប់តាមគន្លង សច្ចៈ ខន្តី និងកត្តញូ បូករួមនឹងកត្តា ៣ទៀត គឺការខិតខំរៀនបន្ថែម ខិតខំធ្វើការ និងខិតខំសម្របខ្លួន។
