លោក Casey Barnett៖ «ខំបំពេញតម្រូវការ ហើយជួយគេប្រកបដោយប្រសិទ្ធិភាព និងភាពស្មោះត្រង់ ជាផ្លូវជោគជ័យមួយ»
ចុះផ្សាយនៅថ្ងៃ៖
ស្តាប់ - ១០:៣៧
នៅក្នុងនាទីជីវិតជោគជ័យរបស់វិទ្យុយើង នៅពេលនេះ សួង សុខភារី សូមនាំលោកអ្នកនាងឱ្យបានដឹងពីដំណើរជីវិតរបស់លោក Casey Barnett នាយកវិទ្យាស្ថាន CamEd និងជាទីប្រឹក្សាក្រសួងសេដ្ឋកិច្ច ព្រមទាំងជាសមាជិកក្រុមប្រឹក្សាភិបាលសភាពាណិជ្ជកម្មអាមេរិក និងជាអនុប្រធានសហព័ន្ធកីឡាចំបាប់កម្ពុជា។ មកដល់កម្ពុជា ក្នុងឆ្នាំ ១៩៩៩ ដោយផ្តើមចេញពីការបង្រៀនភាសាអង់គ្លេស និងរស់នៅក្នុងបន្ទប់ជួលលើទឹកនៅបឹងកក់ លោក Casey ដែលជាជនជាតិអាមេរិកាំងម្នាក់ បានព្យាយាមស្វែងយល់ពីតម្រូវការទីផ្សារគណនេយ្យ និងហិរញ្ញវត្ថុនៅកម្ពុជា រហូតលោកអាចបង្កើតក្រុមហ៊ុន CamEd និងវិវត្តន៍ជាវិទ្យាស្ថាន CamEd ដែលមានការទទួលស្គាល់ថាជាវិទ្យាស្ថានដែលមានជំនាញបំផុតក្នុងវិស័យជំនួញ មកដល់សព្វថ្ងៃ។ ទាំងនេះ ក៏ព្រោះតែលោកព្យាយាមស្តាប់ និងស្វែងយល់ពីតម្រូវការ ហើយប្រឹងជួយអតិថិជន ប្រកបដោយប្រសិទ្ធិភាព និងភាពស្មោះត្រង់។