បទយកការណ៍
ក្រុមកូដករ៖ គ្មានឡើយពាក្យថា រួញរាដើម្បីតវ៉ាទាមទារឱ្យតុលាការដោះលែងកញ្ញា ឈឹម ស៊ីថរ
ចុះផ្សាយនៅថ្ងៃ៖
ស្តាប់ - ០៧:២៤
ក្រុមកូដករប្រមាណ៣០នាក់បានប្រមូលផ្តុំគ្នានៅចំខាងមុខសាលាឧទ្ធរណ៍ ដើម្បីជាសញ្ញាគាំទ្រដល់មេដឹកនាំសហជីពរបស់ខ្លួន គឺកញ្ញា ឈឹម ស៊ីថរដែលកំពុងចូលស្តាប់សវនការ។ ក្នុងអំឡុងអង្គុយរង់ចាំពីខាងក្រៅរបងសាលាឧទ្ធរណ៍ កូដករមួយចំនួនបានបញ្ជាក់ជំហររបស់ខ្លួនថា នឹងតស៊ូទាមទារសិទ្ធិសេរីភាពការងារ និងសិទ្ធិសេរីភាពសហជីព ហើយនឹងទាមទារឱ្យតុលាការដោះលែងថ្នាក់ដឹកនាំរបស់ខ្លួនចេញឱ្យនៅក្រៅឃុំដោយឥតលក្ខខណ្ឌ។ បន្ថែមពីនេះ ក្រុមកូដករអះអាងថា ពួកគេមិនរួញរាឡើយ ដើម្បីជំរុញឱ្យតុលាការដោះលែងកញ្ញា ឈឹម ស៊ីថរ ដែលរងភាពអយុត្តិធម៌ក្រោមប្រព័ន្ធតុលាការមិនឯករាជ្យ និងមិនអព្យាក្រឹត្យ។