បទយកការណ៍

យុវជនមួយក្រុមបង្កើតគម្រោងអភិវឌ្ឍន៍ជានិរន្តរ៍ក្នុងខេត្តបាត់ដំបង ក្រោមការគាំទ្ររបស់AFD

ចុះផ្សាយ​នៅ​ថ្ងៃ៖ 23/02/2023 - 12:27

ក្នុងខួប៣០ឆ្នាំនៃវត្តមានរបស់ទីភ្នាក់ងារអភិវឌ្ឍន៍បារាំង នៅកម្ពុជា យុវជនមួយក្រុមដែលជាសិស្សនិសិត្សមកពីសាលាហ្វាបានបង្កើតគំនិតឆ្នៃប្រឌិតចេញជាគម្រោងជាច្រើន ក្រោមកិច្ចគាំទ្ររបស់ទីភ្នាក់ងារអភិវឌ្ឍន៍បារាំង។ គម្រោងរបស់ក្រុមយុវជននោះ នឹងចាប់ផ្តើមដោយមុនគេ គឺនៅក្នុងខេត្តបាត់ដំបង ដើម្បីបញ្ចៀបចំណេះដឹងដល់ប្រជាពលរដ្ឋ មុននឹងឈានដល់ការអនុវត្តនៅតាមបណ្តាខេត្តផ្សេងៗទៀត។ គម្រោងទាំងនោះ រួមមាន៖ គម្រោងនេសាទត្រីដែលនិយាយអំពីការអភិរក្សធនធានធម្មជាតិ និងជីវចម្រុះនៅក្នុងភូមិបាក់ព្រា, គម្រោងដីមាស ដែលសំដៅដល់គុណសម្បត្តិរបស់ដីចំពោះវិស័យកសិកម្ម, គម្រោងចីរភាពអគ្គិសនី, គម្រោងការពារសំណង់បេតិកភណ្ឌ និងគម្រោងផ្សេងៗទៀត។