ដ្រូនកសិកម្ម ជួយសម្រាលការនឿយហត់របស់កសិករ និងការខាតបង់ទិន្នផល
ចុះផ្សាយនៅថ្ងៃ៖
ស្តាប់ - ០៧:៤១
វិស័យកសិកម្មត្រូវបានប្រមុខរដ្ឋាភិបាលកម្ពុជាចាត់ចូលជាឆ្អឹងខ្នងសំខាន់មួយនៃការរីកលូតលាស់ទៅមុខជាដរាបរបស់សេដ្ឋកិច្ចជាតិ។ ដើម្បីធ្វើឱ្យវិស័យកសិកម្មកាន់តែរីកចម្រើន ជឿនលឿនទៅមុខ ជាពិសេសឱ្យស្របទៅនឹងបដិវត្តន៍ឧស្សាហកម្ម៤.០ ការប្រើប្រាស់បច្ចេកវិទ្យាទំនើបនៅក្នុងវិស័យកសិកម្មគឺជារឿងដ៏ចាំបាច់បំផុត។ ក្នុងនោះ ដ្រូនត្រូវបានប្រជាកសិករមួយផ្នែកធំ បានប្រើប្រាស់ជាឧបករណ៍បាញ់ថ្នាំ និងបាចជីកសិកម្ម ដើម្បីជំនួសការប្រើប្រាស់ពលកម្មរបស់មនុស្ស និងកាត់បន្ថយការប៉ះពាល់សុខភាពជាដើម។ លោក ទឹម ស្រេងទី អ្នកអភិវឌ្ឍន៍បច្ចេកវិទ្យា និងនវានុវត្តន៍នៃក្រុមហ៊ុនដ្រូនខ្មែរតិចណូឡូជីបានអះអាងថា ដ្រូនកសិកម្មនេះបានជួយសម្រាលការនឿយហត់របស់កសិករ ជាពិសេសជៀសវាងពីការខាតបង់ទិន្នផលដំណាំថែមទៀត។
