ពលរដ្ឋអះអាងថា ពិបាករកលុយសងបំណុលធនាគារនៅគ្រាប្រទេសត្រៀមរៀបចំរដ្ឋាភិបាលថ្មី
ចុះផ្សាយនៅថ្ងៃ៖
ស្តាប់ - ០៨:៤១
ពលរដ្ឋភាគច្រើនបានអះអាងពីផលលំបាកក្នុងការរកប្រាក់សង់បំណុលធនាគារ នៅគ្រាដែលប្រទេសត្រៀមរៀបចំរដ្ឋាភិបាលថ្មីនៅថ្ងៃទី២២សីហាខាងមុខនេះ។ មួយផ្នែកនៃបំណុលដែលពលរដ្ឋជំពាក់ធនាគារនិងមីក្រូហិរញ្ញវត្ថុបានក្លាយជាវិញ្ញាសារសម្រាប់រដ្ឋាភិបាលអាណត្តិថ្មី ជាពិសេសក្រសួងសេដ្ឋកិច្ចនិងធនាគារជាតិនៃកម្ពុជា រកដំណោះស្រាយជាបន្ទាន់ បើពុំដូច្នោះទេវាក្លាយជាវិបត្តិសង្គម។ នេះជាការព្រមានរបស់សេដ្ឋវិទូមួយចំនួនដែលបញ្ចេញទស្សនៈលើប្រព័ន្ធផ្សព្វផ្សាយ។ ត្បិតថា ជាទំនួលខុសត្រូវរបស់ពលរដ្ឋក្នុងការខ្ចីបុលគេ ប៉ុន្តែនៅក្នុងកាលៈទេសៈវិបត្តិសេដ្ឋកិច្ចសកល រដ្ឋាភិបាលក៏មិនអាចឱបដៃឈរមើលបានដែរ។ បន្ថែមលើនេះពលរដ្ឋមួយចំនួនដែលវិទ្យុបារាំងអន្តរជាតិបានជួបសម្ភាសពួកគេបានបង្ហាញអារម្មណ៍អស់សង្ឃឹម តែធូរចិត្តពេលបាននិយាយបញ្ហានេះចេញក្រៅ។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ