បទយកការណ៍
ព្រះមហាក្សត្រ៖តំណាងរាស្ត្រសុំខិតខំប្រឹងប្រែងជួយពលរដ្ឋរស់នៅដោយស្មើភាពគ្នា
ចុះផ្សាយនៅថ្ងៃ៖
ស្តាប់ - ០២:៤៨
ព្រះមហាក្សត្រកម្ពុជាព្រះបាទនរោត្តម សីហមុនី នៅថ្ងៃទី២១ខែសីហាឆ្នាំ២០២៣នេះ យាងបើកកិច្ចប្រជុំសភានីតិកាលទី៧។ ព្រះមហាក្សត្របានបន្ទូលនៅមុខតំណាងរាស្ត្រទាំង១២៥ថា ក្នុងនាមជាអ្នកតំណាងប្រជាជាតិខ្មែរទាំងមូល ត្រូវខិតខំប្រឹងប្រែងបន្ថែមទៀតជួយប្រជាពលរដ្ឋរស់នៅបានស្មើភាពគ្នា។ ភាពស្មើគ្នានៅចំពោះមុខការគោរពប្រតិបត្តិផ្នែកសាសនា ការសិក្សារៀនសូត្រ មានការងារធ្វើសមរម្យទៅតាមកម្លាំងសមត្ថភាព។ បន្ថែមលើនេះទៀតព្រះមហាក្សត្រកម្ពុជាមានជំនឿថា រដ្ឋាភិបាលអាណត្តិថ្មីជំរុញកំណើនសេដ្ឋកិច្ចជាតិ និងលើកកម្ពស់កម្រិតជីវភាពពលរដ្ឋ។