ក្នុងក្រសែភ្នែកទេសចរមួយចំនួនកម្ពុជាមិនគួរឲ្យខ្លាច តែម្ចាស់ស្រុកស្នើឲ្យពង្រឹងសុវត្ថិភាព
ចុះផ្សាយនៅថ្ងៃ៖
ទេសចរបរទេសមួយចំនួនដែលដើរទស្សនាតំបន់ទេសចរណ៍ក្នុងរាជធានីភ្នំពេញដូចជាៈ រមណីយដ្ឋានវត្តភ្នំនិងព្រះបរមរាជវាំងជាដើម បានបង្ហាញអារម្មណ៍ស្រដៀងគ្នាជុំវិញសុវត្ថិភាពពេលមកដល់ប្រទេសកម្ពុជា។ ពួកគេនិយាយថា ដំណើរមកដល់ប្រទេសកម្ពុជានៅពេលនេះបន្ទាប់ពីបញ្ចប់ដំណើរកំសាន្តក្នុងប្រទេសវៀតណាម ហើយពេលដាក់ជើងជាន់ដីកម្ពុជាភ្លាម គេក៏គ្មានអារម្មណ៍ភ័យខ្លាចអ្វីដែរ ប៉ុន្តែអ្វីដែលធ្វើឲ្យគេចាប់អារម្មណ៍និងមានអារម្មណ៍ថា កក់ក្ដៅស្នាមញញឹមរបស់ប្រជាជនកម្ពុជា។ ពួកគេបញ្ជាក់ថា ទទួលបានអារម្មណ៍សុវត្ថិ អាចដោយសារធ្វើដំណើរកំសាន្តតាមរយៈកញ្ចប់ទស្សនកិច្ចរបស់ក្រុមហ៊ុនឯកជនដែលគិតគូសព្វជ្រុងជ្រោយ។ បន្ថែមពីលើនេះពួកគេបានអះអាងថា មកប្រទេសកម្ពុជាព្រោះគោលបំណងធំចង់ឃើញប្រាសាទអង្គរវត្តផ្ទាល់ភ្នែក។