បទយកការណ៍
ទទួលយក ដោះលែង កុំរំពឹង កុំអស់សង្ឃឹម ក៏ជាផ្នែកមួយគេចចេញពីវិបត្តិផ្លូវចិត្ត
ចុះផ្សាយនៅថ្ងៃ៖
លោក ស៊ីវ ចន្ត្រា ធ្លាប់លេបថ្នាំសម្លាប់ខ្លួនកាលបីឆ្នាំមុនលើខ្នងភ្នំបូកគោដោយសារតែវិបត្តិផ្លូវចិត្តកម្រិតធ្ងន់។ តែពេលនេះលោកបានត្រឡប់មកវិញជាថ្មីជាមួយការចែករំលែកបទពិសោធន៍ជីវិតអំពីការជួយសង្គ្រោះខ្លួនឯងពីវិបត្តិនេះចំពោះមុខកំណើនវិបត្តិផ្លូវចិត្តកើនឡើងសន្សឹមៗនៃអ្នកមានវិបត្តិផ្លូវចិត្តនៅកម្ពុជា។ មានភ្លើងទើបមានផ្សែង វិបត្តិផ្លូវចិត្តដូច្នោះដែរមានហេតុទើបនាំឲ្យជំងឺនេះកើតឡើង។ នេះបើតាមលោក ស៊ីវ ចន្ត្រា។ លោកបានគូសបញ្ជាក់ថា រៀនទទួលយក ដោះលែង កុំរំពឹង កុំអស់សង្ឃឹមក៏រួមចំណែកទាញខ្លួនពីជ្រោះមរណៈនៃវិបត្តផ្លូវចិត្តបានដែរ។
