មនុស្សចាស់មួយចំនួនបង្ហាញភាពខ្វះខាត ឯកា សម្ពាធ បន្ទុក នៅចំពោះមុខវិបត្តិសេដ្ឋកិច្ច
ចុះផ្សាយនៅថ្ងៃ៖
បញ្ហារបស់មនុស្សចាស់ត្រូវបានលើកឡើងជាថ្មីក្នុងវិបត្តិសេដ្ឋកិច្ចដូចរាល់ថ្ងៃនេះ។ មនុស្សចាស់មួយចំនួនដែលវិទ្យុបារាំងអន្តរជាតិបានជួបសម្ភាសប្រាប់ថា មានជីវភាពប្រសើរឡើង ខ្លះទៀតជីវភាពដុនដាបជាដើម។ តែចំណុចរួមមួយដែលពួកគាត់កំពុងជួបប្រទះនិងត្រៀមទទួលទៅថ្ងៃខាងមុខគឺភាពឯកា ខ្វះខាត សម្ពាធ បន្ទុកជាដើម។ ក្នុងឱកាសទិវាមនុស្សចាស់កម្ពុជា ប្រមុខរដ្ឋាភិបាលកម្ពុជាលោក ហ៊ុន ម៉ាណែត ប្រាប់រដ្ឋបាលថ្នាក់ក្រោមជាតិផ្ដល់ការអន្តរាគមជម្រុញសកម្មភាពបង្កើតសមាគមមនុស្សចាស់បន្ថែមទៀតនៅតាមសហគមន៍មូលដ្ឋានឲ្យបានទូទាំងប្រទេសកម្ពុជាជាពិសេសយកចិត្តទុកដាក់លើមនុស្សចាស់ជរា ពិកា ក្រីក្រ គ្មានទីពឹង។
ការសិក្សាធ្វើឡើងដោយយូអិឌីភីក្នុងឆ្នាំ២០២២បានរកឃើញថា ៥០%នៃមនុស្សចាស់នៅក្នុងប្រទេសកម្ពុជាមិនមានការងារដែលមានប្រាក់ចំណូលនោះទេ ហើយពួកគាត់ងាយប្រឈមនឹងបញ្ហាហិរញ្ញវត្ថុព្រោះមនុស្សកាន់តែចាស់ ភាគច្រើនពួកគាត់ពឹងផ្អែកលើការគាំទ្រពីក្រុមគ្រួសារ។ តើយើងអាចធ្វើបែបណា ដើម្បីលើកកម្ពស់គុណភាពជីវិតរបស់មនុស្សចាស់នៅកម្ពុជា? ដំណោះស្រាយមួយ ដែលអាចធ្វើទៅបាន គឺប្រើប្រាស់កន្លែងសាសនា ដូចជាវត្តអារាម ដើម្បីផ្តល់សេវាគាំពារសង្គមសម្រាប់មនុស្សចាស់នៅតាមសហគមន៍។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ