លោកស្រី ព្រំ សេង ទើបទទួលបានមេដាយកិត្តិយសពីក្រសួងការបរទេសបារាំង។ ជាមេដាយកិត្តយសដែលលោកស្រីបានបំពេញការងាររយៈពេល២៧ឆ្នាំនៅក្នុងផ្ទះបាយនៃស្ថានទូតបារាំងប្រចាំកម្ពុជា។ សម្រាប់ក្រសួងការបរទេសបារាំង លោកស្រី ព្រំ សេង បានរួមចំណែកយ៉ាងធំធេងក្នុងការរក្សាបាននូវភាពល្បីរន្ទឺនិងភាពលេចធ្លោនៃម្ហូបបារាំងសម្រាប់ភ្ញៀវជាច្រើនពាន់នាក់។ តាមរយៈក្បាលមេក្រូវិទ្យុបារាំងអន្តរជាតិRFI នៅថ្ងៃទី១៤ខែធ្នូឆ្នាំ២០២៣នេះ លោកស្រី ព្រំ សេង ចាត់ទុកមេដាយកិត្តយសផ្ដល់ដោយបារាំងមានតម្លៃជាងលុយទៅទៀតនៅក្នុងអាជីពជាចុងភៅពេញមួយជីវិតនេះ។
