បទយកការណ៍
លោកសេង ប៊ុនហ៊ត៖ខ្ញុំចង់ឱ្យពលរដ្ឋខ្មែរងាកទៅចិញ្ចឹមត្រី និងដាំបន្លែលើដំបូល
ចុះផ្សាយនៅថ្ងៃ៖
លោក សេង ប៊ុនហ៊ត គ្រូបង្រៀនផ្នែកកសិកម្មម្នាក់ចង់ជំរុញឱ្យពលរដ្ឋខ្មែរងាកទៅចិញ្ចឹមត្រី និងដាំបន្លែនៅលើដំបូលវិញ។ ការចិញ្ចឹមត្រី និងដាំបន្លែលើដំបូល ឬហៅកសិពហុប្រយោជន៍ជារបៀបធ្វើកសិកម្មថ្មីមួយដែលជួយឪ្យពលរដ្ឋខ្មែរអាចរកប្រាក់ចំណូលបានសមរម្យ និងកាត់បន្ថយការចំណាយមួយចំនួនក្នុងគ្រួសារ ពិសេសចំណាយលើការទិញបន្លែគីមីនាំចូលពីក្រៅ។ ចំណែកដើមទុនដែលត្រូវចំណាយសម្រាប់ធ្វើកសិកម្មរបៀបថ្មីនេះត្រូវបានលោក ហ៊ុនហ៊តបញ្ជាក់ថា គឺអាស្រ័យលើទំហំនៃការចិញ្ចឹម និងដាំដុះរបស់កសិករ។
