ភពព្រហស្បតិ៍និងភពសៅរ៍ខិតជិតគ្នាមិនធ្លាប់មានក្នុងរយៈពេល៨០០ឆ្នាំ
ចុះផ្សាយនៅថ្ងៃ៖
ស្តាប់ - ០៦:៤៩
នៅសប្តាហ៍នេះ សេង ឌីណា សូមលើកឡើង អំពីបាតុភូតដ៏កម្រមួយ គឺការខិតចូលជិតគ្នា រវាងភពព្រហស្បតិ៍ និងភពសៅរ៍ ដែលធ្វើឲ្យយើងមើលទៅស្ទើរតែក្លាយជាផ្កាយតែមួយ នៅថ្ងៃទី២១ធ្នូ២០២០។
បាតុភូតនេះត្រូវបានគេឲ្យឈ្មោះជាភាសាអង់គ្លេសថា « The Great Conjunction » ហើយវាកើតឡើង នៅពេលដែលផែនដី ភពព្រហស្បតិ៍ និងភពសៅរ៍ ស្ថិតនៅតម្រៀបជួរគ្នាជាខ្សែបន្ទាត់ត្រង់តែមួយ។ ហេតុការណ៍នេះកើតឡើង នៅរៀងរាល់២០ឆ្នាំម្តង ក៏ប៉ុន្តែ ភពព្រហស្បតិ៍ និងភពសៅរ៍ មិនមែនខិតចូលជិតគ្នាស្ទើរក្លាយជាផ្កាយតែមួយនៅរៀងរាល់លើកនោះទេ។
ហេតុការណ៍ ដែលភពព្រហស្បតិ៍ និងភពសៅរ៍ស្ថិតនៅតម្រៀបជួរគ្នាជាខ្សែបន្ទាត់ត្រង់ ហើយស្ថិតនៅទីតាំងតែមួយនៅលើមេឃ ធ្លាប់កើតមានម្តង កាលពីឆ្នាំ១៦២៣ (ជិត ៤០០ឆ្នាំមុន) ក៏ប៉ុន្តែ នៅពេលនោះ គេពិបាកនឹងមើលបាតុភូតនេះឃើញបាន ដោយសារតែភពទាំងពីររះនៅក្បែរព្រះអាទិត្យ។ លើកចុងក្រោយបង្អស់ ដែលភពទាំងពីរជួបគ្នាជាផ្កាយតែមួយ ហើយដែលគេអាចសង្កេតឃើញបានជាទូទៅ គឺកើតឡើងតាំងពីឆ្នាំ១២២៦ គឺតាំងពីជិត ៨០០ឆ្នាំមុន។ គេត្រូវរង់ចាំរហូតដល់ឆ្នាំ២០៨០ ទើបបាតុភូតនេះកើតឡើងសាជាថ្មីម្តងទៀត។
មើលវីដេអូផ្សេងទៀត ស្តីពីវិទ្យាសាស្ត្រ និងចក្រវាល នៅលើយូធូបផ្លូវការរបស់ RFI ខេមរភាសា
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ