មេធាវី លី ច័ន្ទតុលា៖ ការណ៍ដែលមានបេក្ខភាពឈរឈ្មោះតែម្នាក់ គឺបង្ហាញពីសាមគ្គីភាពនិងឯកភាពផ្ទៃក្នុងរបស់មេធាវី
ចុះផ្សាយនៅថ្ងៃ៖
ស្តាប់ - ១០:២៦
គណៈមេធាវីកម្ពុជា នៅថ្ងៃអាទិត្យ បានរៀបចំមហាសន្និបាតប្រចាំឆ្នាំពេញមួយថ្ងៃ ដើម្បីបោះឆ្នោតជ្រើសរើសប្រធានគណៈមេធាវីកម្ពុជា អាណត្តិទី១៤។ ជាលទ្ធផល លោកមេធាវី លី ច័ន្ទតុលា ត្រូវបានជាប់ឆ្នោតជាប្រធានគណៈមេធាវីអាណត្តិថ្មីម្តងទៀត ជាមួយនឹងសំឡេងគាំទ្រចំនួន២០១៦សំឡេង ក្នុងចំណោមសន្លឹកឆ្នោតសរុបចំនួន២០៤៥សន្លឹក។ គួរជ្រាបថា នៅអាណត្តិទី១៤នេះ បេក្ខភាពឈរឈ្មោះជាប្រធានគណៈមេធាវីកម្ពុជា មានតែមួយរូបប៉ុណ្ណោះ គឺជាលោក លី ច័ន្ទតុលា ផ្ទាល់។ មេធាវី លី ច័ន្ទតុលា បញ្ជាក់ថា ការណ៍ដែលមានបេក្ខភាពឈរឈ្មោះតែម្នាក់បែបនេះ គឺបានបង្ហាញចេញពីសាមគ្គីភាព និងឯកភាពផ្ទៃក្នុងនៃវិជ្ជាជីវៈមេធាវីកម្ពុជា។
