«ព្រះបាទស្រីឦសានវរ្ម័ន» ជាព្រះរាជាខ្មែរនៅសតវត្សរ៍ទី៧។ ព្រះរាជនាមនេះ ត្រូវ ធនាគារជាតិនៃកម្ពុជា នៅឆ្នាំ២០១៩ យកដាក់ឈ្មោះ «សារមន្ទីរសេដ្ឋកិច្ច និងរូបិយវត្ថុ» ឬ ហៅកាត់ថា «ស.ស.រ»។ តើមកពីហេតុអ្វី?
នៅមិនឆ្ងាយប៉ុន្មានពីវត្តភ្នំ សារមន្ទីរ«ព្រះស្រីឦសានវរ្ម័ន» បើកទ្វារដំណើរការទទួលភ្ញៀវចូលទស្សនា កាលពីឆ្នាំ២០១៩ គឺជាសារមន្ទីរពិសេស និងប្លែកមួយ ដែលអាចឲ្យគេផ្តើមយល់ច្រើនជាងមុន ពីប្រវត្តិសាស្ត្រ សេដ្ឋកិច្ច និងរូបិយវត្ថុរបស់នគរខ្មែរ ពីសម័យហ្វូណនមកទល់នឹងសម័យទំនើបសព្វថ្ងៃ។ ថ្នាក់ដឹកនាំ ស្ថាប័ននេះ ចាត់ទុកថា « ជាទីកន្លែងផ្តល់ចំណេះដឹងដ៏រស់រវើក។»
សារមន្ទីរសេដ្ឋកិច្ច និងរូបិយវត្ថុ «ព្រះស្រីឦសានវរ្ម័ន» មានទីតាំងនៅ អគារលេខ ១៩ រុក្ខវិថីលេខ ១០៦ ព្រះមហាក្សត្រីយានីកុសមៈ ស្ថិតក្នុងសង្កាត់វត្តភ្នំ ខណ្ឌដូនពេញ រាជធានីភ្នំពេញ។ ដើមឡើយ ទីតាំងសារមន្ទីរនេះ ជាអតីតទីតាំងសាលាក្រុងភ្នំពេញ ក្នុងឆ្នាំ១៩០៨ ក្រោយមក ជាគេហដ្ឋានរបស់សម្តេច ប៉ែន នុត និងតមកទៀត ក្លាយជា ក្រុមហ៊ុនអាកាសចរណ៍ ក្នុងឆ្នាំ១៩៩២។
មុននឹងបានជួសជុលកែប្រែទៅជាសារមន្ទីរ, អគារនេះ ធ្លាប់ស្ថិតនៅក្នុងសភាពទ្រុឌទ្រោម ហើយត្រូវគេសម្រេចរក្សាទុកសភាពដើម ជាអគាររចនាបទសម័យបារាំង ក្នុងគោលបំណងដាក់តាំងបង្ហាញនូវកំណប់ រូបិយវត្ថុ និងវត្ថុបុរាណចាប់តាំងពីសម័យហ្វូណន។
ចាប់តាំងពីឆ្នាំ២០១២ ជា សារមន្ទីរសេដ្ឋកិច្ចនិងរូបិយវត្ថុ ព្រះស្រីឦសានវរ្ម័ន ដែល បើកទ្វារចាប់ពីឆ្នាំ២០១៩មក ទទួលភ្ញៀវពីថ្ងៃអង្គារ ដល់ ថ្ងៃអាទិត្យ ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ