៣០ឆ្នាំនៃបេសកកម្មរបស់តេឡេស្កុបអវកាសហឺបល
ចុះផ្សាយនៅថ្ងៃ៖
ស្តាប់ - ១០:២៣
គិតត្រឹមថ្ងៃទី២៤ ខែមេសាឆ្នាំ២០២០នេះ តេឡេស្កុបអវកាសហឺបល (Hubble Space Telescope) មានអាយុកាល ៣០ឆ្នាំគត់ ក្រោយពីត្រូវបានគេបាញ់បង្ហោះឲ្យទៅដំណើរការនៅក្នុងគន្លងតារាវិថីជុំវិញភពផែនដី កាលពីឆ្នាំ១៩៩០។ នៅក្នុងរយៈពេល ៣០ឆ្នាំកន្លងទៅនេះ តេឡេស្កុបហឺបលបានថតរូបភាពអវកាសរាប់លាន ហើយសុទ្ធសឹងជារូបភាពដែលគេមិនធ្លាប់ដែលឃើញមានកាលពីមុន ហើយដែលអាចជួយឲ្យអ្នកវិទ្យាសាស្ត្របំបែកនូវអាថ៌កំបាំងជាច្រើន ចាប់តាំងពីវដ្តជីវិតផ្កាយ រហូតដល់ការកំណត់បានកាន់តែច្បាស់នូវអាយុកាលចក្រវាល។
ខុសពីតេឡេស្កុបដែលនៅលើដី តេឡេស្កុបអវកាសហឺបល ដែលស្ថិតក្នុងគន្លងតារាវិថី ផុតពីភាពរំខាននៃស្រទាប់បរិយាកាសរបស់ផែនដី អាចឲ្យគេមើលឃើញបានយ៉ាងច្បាស់ និងលម្អិត ទៅក្នុងចម្ងាយរហូតទៅរាប់ពាន់លានឆ្នាំពន្លឺ។
រូបភាពអវកាស ដែលថតដោយតេឡេស្កុបអវកាសហឺបលបានជួយឲ្យអ្នកវិទ្យាសាស្ត្រអាចសិក្សាដឹងកាន់តែលម្អិតអំពីចក្រវាល រាប់ចាប់តាំងពីការសិក្សាលម្អិត អំពីការចាប់កំណើត និងការស្លាប់របស់ផ្កាយ អំពីវត្តមាននៃប្រហោងខ្មៅធំៗនៅចំណុចកណ្តាលនៃចក្រវាល វត្តមាននៃថាមពលងងឹត (Dark Energy) និងជាពិសេស អំពីអាយុរបស់ចក្រវាល និងល្បឿននៃការរីកប៉ោងនៃចក្រវាលនៅក្នុងពេលបច្ចុប្បន្ន។
មើលរូបភាពល្បីៗមួយចំនួនដែលតេឡេស្កុបហឺបលថតបាននៅលើវេបសាយផ្លូវការរបស់តេឡេស្កុបអវកាសហឺបល
មើលវីដេអូទាក់ទងនឹងវិទ្យាសាស្ត្រនិងប្រវត្តចក្រវាលនៅលើយូធូបផ្លូវការរបស់ RFI ខេមរភាសា
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ