ទន្លេនៅតំបន់អាស៊ីជាបេះដូងនៃវិបត្តិអាកាសធាតុដែលអាចប៉ះពាល់ដល់ប្រជាជនរាប់ពាន់លាននាក់
នៅឆ្នាំ ២១០០ គំនរទឹកកកក្រាស់ឃ្មឹកនៅតាមដងភ្នំហិណ្ឌូគួច និងហ៊ីម៉ាឡាយ៉ាដែលជាបេះដូងនៃយុទ្ធកថាដ៏ស្រស់ស្អាតបំផុតនៃប្រវត្តិសាស្ត្រស្ទើរតែរលាយអស់។ មូលហេតុចម្បងដែលឈានទៅរកគ្រោះមហន្តរាយមួយនេះបានកើតចេញពីវិបត្តិអាកាសធាតុ។ គួររម្លឹកថា គឺគំនរទឹកកកក្រាស់ឃ្មឹកនៅតាមដងភ្នំហិណ្ឌូគួច និងហ៊ីម៉ាឡាយ៉ានោះឯងដែលជាប្រភពទឹកចាំបាច់សម្រាប់ការរស់រាន និងការលូតលាស់របស់ទ្វីបអាស៊ី។ គំនរទឹកកកក្រាស់ឃ្មឹកនៅតាមដងភ្នំហិណ្ឌូគួច និងហ៊ីម៉ាឡាយ៉ាជាប្រភពទឹករបស់ទន្លេនៅអាស៊ីសម្រាប់ការរស់រាន និងការលូតលាស់របស់ទ្វីបអាស៊ី។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:១៣
ទឹកដែលគេហៅជាមាសខៀវបានក្លាយជាវត្ថុរាវមានតម្លៃជាងប្រេងទៅទៀត។ មានតម្លៃជាងប្រេង ព្រោះជីវិតពលរដ្ឋជាច្រើនពាន់លាននាក់នៅឥណ្ឌា ប៉ាគីស្ថាន ចិន និងនៅកន្លែងផ្សេងទៀតបានពឹងផ្អែកលើទឹកទន្លេដែលផ្គត់ផ្គង់ដោយគំនរទឹកកកក្រាស់ឃ្មឹកនៅតាមដងភ្នំហិណ្ឌូគួច និងហ៊ីម៉ាឡាយ៉ា។ មានមនុស្សជិត ១ ៦៥០លាននាក់ដែលរស់នៅតាមអាងទន្លេកំពុងពឹងពាក់លើទឹកទន្លេធំៗ ដូចយ៉ាងទន្លេ Yangtsé ទន្លេ Brahmapoutre ទន្លេមេគង្គ និងទន្លេ Indus។ ទន្លេធំៗដែលទទួលប្រភពទឹកពីគំនរទឹកកកក្រាស់ឃ្មឹកនៅតាមដងភ្នំហិណ្ឌូគួច និងហ៊ីម៉ាឡាយ៉ាទាំងអស់នេះជាអ្នកផ្គង់ផ្គង់ទឹកសាបដល់កសិករ និងឧស្សាហកម្ម ព្រមទាំងផ្តល់ត្រី រួមទាំងសារធាតុចិញ្ចឹមផ្សេងៗសម្រាប់ជីវិត និងការលូតលាស់ទៀតផង។
ក្រុមអ្នកវិទ្យាសាស្រ្តបានព្រមានរួចហើយថា បើសីតុណ្ហភាពក្នុងបរិយាកាសកើនលើសពី ១,៥អង្សារ មានគំនរផ្ទាំងទឹកកកចំនួន ២ភាគ៣ នឹងត្រូវបាត់បង់។ ព្រឹត្តិការណ៍មួយនេះនឹងផ្តល់ផលវិបាកធំធេងដែលមានតាំងពីទឹកជំនន់ គ្រោះរាំងស្ងួត និងការរអិលបាក់ដី។ « អាស៊ីបានប្រឈមនឹងបញ្ហាចំនួន ៣ ទាក់ទងនឹងទឹក៖ ទី១ មានទឹកមិនគ្រប់គ្រាន់នៅក្នុងប្រទេសមួយចំនួន ដូចយ៉ាងឥណ្ឌា និងចិន ទី២ ភាពរបោះរបោយដោយសារបម្រែបប្រួលអាកាសធាតុ និងទី៣ ការប្រមូលផ្តុំរបស់ប្រជាជននិងទីក្រុងនៅតាមច្រាំងទន្លេដែលកំពុងជួបការប្រឈមស្រាប់ » នេះជាការកត់សម្គាល់របស់លោកស្រី Debra Tan នាយិកាអង្គការក្រៅរដ្ឋាភិបាលឈ្មោះ China Water Risk។ ប្រឈមនឹងបញ្ហាកង្វះទឹក ពលរដ្ឋបានចាប់ផ្តើមខ្នះខ្នែងស្រោចស្រង់ទន្លេរបស់ខ្លួន និងស្វែងរកដំណោះស្រាយដើម្បីទប់នឹងកង្វះទឹក។
នៅក្នុងប្រទេសថៃ ក្រុមសមាគមបានបិទខ្ទប់លើគម្រោងបូមខ្សាច់ក្នុងទន្លេមេគង្គ និងបានបរិហារពីផលប៉ះពាល់លើជីវៈចម្រុះកើតចេញពីទំនប់វារីអគ្គិសនីប្រមាណជា ១០កន្លែងដែលបានរារាំងលំហូរប្រភេទសត្វ និងដីល្បាប់។ នៅចិន កម្មវិធីទ្រង់ទ្រាយធំមួយកំពុងដំណើរការដើម្បីជួយស្រោចស្រង់ទន្លេ Yangtsé៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ