អាហ្រ្វិករៀបចំយុទ្ធសាស្ត្រទប់មេរោគCovid-19 ក្រោយមានករណីឆ្លងនៅអេហ្ស៊ីប
ចំនួនអ្នកស្លាប់ដោយកូរ៉ូណាវីរុស បានឡើងដល់១៥២៣នាក់ និងចំនួនអ្នកឆ្លងថ្មី បានឡើងដល់៦៦៤៩២នាក់។ នេះបើតាមតួលេខផ្លូវការផ្តល់ដោយអាជ្ញាធរចិន នៅថ្ងៃ សៅរ៍ទី ១៥កុម្ភៈ។ ហើយជាលើកដំបូង មានករណីឆ្លងទីមួយរកឃើញនៅក្នុងប្រទេសអេហ្ស៊ីប។ ប្រឈមនឹងការរីករាលដាលនេះ រដ្ឋមន្ត្រីក្រសួងសុខាភិបាលនៃក្រុមប្រទេសជាសមាជិកសហគមសេដ្ឋកិច្ចអាហ្វ្រិកខាងលិចហៅកាត់ថា(Cédéao) បានជួបប្រជុំគ្នាភ្លាម នៅល្ងាចមិញ ដើម្បីរៀបចំយុទ្ធសាស្ត្ររួមប្រឆាំងនឹងកូវីត-១៩។ អាហ្វ្រិកបានសម្រេចពង្រឹងកិច្ចសហប្រតិបត្តិការរួម។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៥៥
ល្បីខាងគ្មានការត្រួតពិនិត្យតាមព្រំដែនតឹងរ៉ឹង នៅថ្ងៃនេះសមាជិកសហគមន៍សេដ្ឋកិច្ចអាហ្វ្រិកខាងលិច បានសម្រេចពង្រឹងកិច្ចសហប្រតិបត្តិការតាមព្រំដែន ដើម្បីទប់ស្កាត់ការរីករាលដាលនៃជំងឺកូរ៉ូណាថ្មី ជាយថាហេតុណាមួយ។ បើតាមរដ្ឋមន្ត្រីក្រសួងសុខាភិបាលម៉ាលី ដែលជាម្ចាស់ផ្ទះបើរៀបចំជំនួបប្រជុំ អាហ្វ្រិកត្រូវតែមានកិច្ចសហប្រតិបត្តិការព្រំដែន ព្រោះអាហ្វ្រិកមិនអាចរងគ្រោះនឹងកូរ៉ូណាវីរុសមួយទៀតបានឡើយ។ អាហ្រ្វិកធ្លាប់មានបទពិសោធន៍រងគ្រោះអេបូឡាហើយ ដូច្នេះអាហ្វ្រិកត្រូវដឹងថាត្រូវធ្វើដូចម្តេច ចំពោះប្រជាពលរដ្ឋដែលមកពីប្រទេសចិន ? ទទួលព្យាបាល ដាក់ឱ្យនៅដាច់ដោយឡែកឬយ៉ាងណា ?
សូមបញ្ជាក់ថា គិតចាប់តាំងពីកូរ៉ូណាវីរុសបានផ្ទុះឡើងនៅប្រទេសចិន តាំងពីខែធ្នូ២០១៩មក គេទើបសង្កេតឃើញមានករណីឆ្លងជាលើកដំបូងនៅលើទ្វីបអាហ្វ្រិក លើពលរដ្ឋបរទេសម្នាក់ (ពុំមានការបញ្ជាក់អំពីសញ្ជាតិ) នៅអេហ្ស៊ីបទេ។ ប៉ុន្តែសម្រាប់ក្រុមរដ្ឋមន្ត្រីក្រសួងសុខាភិបាលនៃក្រុមប្រទេសនៅអាហ្វ្រិកខាងលិច វាជាការចាំបាច់ដែលអាហ្វ្រិកត្រូវចាប់ផ្តើមរៀបចំ និងដាក់ឱ្យដំណើរការវិធានការវេជ្ជសាស្ត្រសមស្របសម្រាប់ទប់ស្កាត់មេរោគ ព្រោះថ្វីបើអាហ្វ្រិកខាងលិចមានប្រជាជនរស់នៅជិត៣៨០លាននាក់មែន តែ អាហ្វ្រិកគ្មានមន្ទីរពិសោធន៍ ដល់បី សម្រាប់ទទួលបន្ទុកពិនិត្យថែទាំនិងព្យាបាល ប្រកបដោយប្រសិទ្ធភាពឡើយបើមានករណីឆ្លងកូវីត-១៩ចូលមកច្រើន។ នេះបើតាមការពន្យល់បន្ថែមរបស់លោករដ្ឋមន្ត្រីក្រសួងសុខាភិបាលម៉ាលី ដោយបានអំពាវនាវឱ្យប្រទេសសមាជិកសហងគមន៍សេដ្ឋកិច្ចអាហ្វ្រិកខាងលិចទាំងអស់ ចាប់ពង្រឹងមន្ទីរពិសោធន៍របស់ខ្លួនដែលមាន បង្កើនសម្ភារៈបរិក្ខារពេទ្យក្នុងស្តុក និងឧបករណ៍សម្រាប់វែករកករណីឆ្លងមេរោគ។
អាហ្វ្រិកដែលមានទំនាក់ទំនងសេដ្ឋកិច្ចកាន់តែជិតស្និទ្ធឡើងៗជាមួយចិន បង្ហាញសាមគ្គីភាពជាមួយរដ្ឋាភិបាលក្រុងប៉េកាំង ដោយមិនទៅជម្លៀស ប្រជាពលរដ្ឋខ្លួន ដែលកំពុងជាប់កុននៅក្នុងតំបន់ផ្ទុះមេរោគកូរ៉ូណានៅទឹកដីចិន ជាស្វ័យប្រវត្តិឡើយ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ