អាមេរិកចង់ពង្រឹងយុទ្ធសាស្ត្រការទូត និងពាណិជ្ជកម្ម ជាមួយប្រទេសអាស៊ាន ដើម្បីរួមកម្លាំងផ្តួលចិន
នៅសិង្ហបុរី លោកស្រី កាម៉ាឡា ហារីស អនុប្រធានាធិបតីអាមេរិក បានលើកឡើងថា ចិនបាននឹងកំពុង តែប្រើគំនៀបសង្កត់ ដាក់សំពាធ សំឡុតគំរាមប្រទេសផ្សេងៗ ដែលមានជម្លោះជាមួយខ្លួន នៅក្នុងសំណុំរឿងសមុទ្រចិនខាងត្បូង។ នៅក្នុងសន្ទរកថា លោកស្រីអនុប្រធានាធិបតីអាមេរិក បានថ្លែងធានាប្រាប់ទៅប្រទេសអាស៊ាន ដែលមានជម្លោះជាមួយចិន ថាសហរដ្ឋអាមេរិក និងរួមកម្លាំងសហការជាមួយប្រទេសសម្ព័ន្ធមិត្តទាំងនេះ ដើម្បីប្រឈមមុខជាមួយនឹងការគំរាមរបស់ចិន។
ចុះផ្សាយនៅថ្ងៃ៖
ស្តាប់ - ០១:៥១
ចេញពីសិង្ហបុរី លោកស្រី កាម៉ាឡា ហារីស នឹងបន្តដំណើរទៅប្រទេសវៀតណាម នៅល្ងាចថ្ងៃអង្គារទី២៤សីហា។ គួរបញ្ជាក់ថា ក្រៅពីមានទំនាក់ទំនងពាណិជ្ជកម្មកាន់តែធំ ជាមួយអាមេរិក វៀតណាមក៏ជាប្រទេស ដែលប្រឆាំងចិនខ្លាំងណាស់ដែរ នៅក្នុងសំណុំរឿងសមុទ្រចិនខាងត្បូង។
យោងតាមលោកសាស្ត្រាចារ្យ ព្យែរ ក្រូស៊ែរ (Pierre Grosser) អ្នកជំនាញការទូត នៅសាលាវិទ្យាសាស្ត្រនយោបាយ ទីក្រុងប៉ារីស (Science Po Paris) គឺថានៅពីក្រោយទំនាក់ទំនងល្អជាមួយវៀតណាមនេះ គឺមានហេតុផលពាណិជ្ជកម្ម ព្រោះថាអាមេរិក ចង់បន្សាបឥទ្ធិពលរបស់ចិន នៅក្នុងវិស័យពាណិជ្ជកម្មខ្លួន។
តទៅនេះ សូមស្តាប់សម្រង់ប្រសាសន៍របស់លោកសាស្ត្រាចារ្យ ព្យែរ ក្រូស៊ែរ ដែលបានផ្តល់បទសម្ភាសន៍ ឲ្យវិទ្យុបារាំងអន្តរជាតិ RFI ដោយមានការបកប្រែសម្រួល ដោយ ម៉ម ពិសី ៖
ប្រសាសន៍លោកសាស្ត្រាចារ្យ Pierre Grosser បកប្រែសម្រួលដោយ ម៉ម ពិសី
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ