បាតុករនៅតែមិនរារែក ខណៈដែលឧត្តមសេនីយអ៊ីរ៉ង់ព្រមានឲ្យនៅផ្ទះ
កាលពីថ្ងៃសៅរ៍ទី២៩ តុលា ទោះជាមានការព្រមានពី មេបញ្ជាការកងកម្លាំងបង្ក្រាបហាមឃាត់កុំឲ្យមានដង្ហែក្បួនមកតាមផ្លូវក៏ដោយ ការបាតុកម្មលើការស្លាប់របស់ Mahsa Amini នៅតែបន្ត រីករាលដាលទូទាំងប្រទេសអ៊ីរ៉ង់។ បើយោងតាមក្រុមសិទ្ធិមនុស្ស កងកម្លាំងសន្តិសុខបានធ្វើការបង្ក្រាបតាមមន្ទីរពេទ្យ និងកន្លែងស្នាក់នៅរបស់និស្សិត ខណៈពេលដែលចលនាតវ៉ានេះបានឈានចូលដល់សប្តាហ៍ទីប្រាំពីរ។
ចុះផ្សាយនៅថ្ងៃ៖
ស្តាប់ - ០១:៤៤
សូមរំលឹកផងដែរថា កញ្ញា Mahsa Amini បានស្លាប់កាលពី ថៃ្ង១៦ខែកញ្ញា បន្ទាប់ពីនាងត្រូវបានឃាត់ខ្លួនដោយ ប៉ូលីសសីលធ័ម។ ការស្លាប់របស់នាងបានធ្វើឲ្យមានការផ្ទុះកំហឹងជាខ្លាំង ពីសំណាក់សាធារណៈជន ជាពិសេសយុវជននៅតាមសាលា។
មកដល់ពេលនេះ កងកម្លាំងសន្តិសុខជាតិ កំពុងមានការលំបាកជាខ្លាំង ក្នុងការទប់ស្កាត់ យុទ្ធនាការណ៍ ក្បូនបាតុកម្ម ដែលដឹកនាំដោយស្ត្រី។ ជាក់ស្តែងកុប្បកម្មរនេះនៅតែបន្ត ខណៈដែលលោកឧត្តមសេនីយ Hossein Salami ប្រធានកងឆ្មាំ បដិវត្តន៍អ៊ីស្លាមបានព្រមានឲ្យបញ្ឈប់។
ស្រមពេលនេះដែរ ពិធីរំលឹកខួបសម្រាប់ក្រុមបាតុករដែលបានស្លាប់ ត្រូវបានធ្វើឡើងកាលពីថ្ងៃសៅរ៍នេះផងដែរ។ អង្គការ Amesty International បានចាត់ទុក ការបង្ក្រាបដោយកងកម្លាំងសន្តិសុខជាតិ ដែលធ្វើឲ្រមនុស្សយ៉ាងតិច ១៦០ នាក់បានស្លាប់នេះ គឺជាការបង្ក្រាបដ៏ឃោរឃៅឥតឈប់ឈរ។
អង្គការសិទ្ធិមនុស្សដែលមានមូលដ្ឋាននៅប្រទេសន័រវេស បានបន្ថែមថា កាលពីល្ងាចថ្ងៃសុក្រនេះ ក្រុមបាតុករដែលបានប្រមូលផ្តុំនៅខាងក្រៅមន្ទីរពេទ្យ ក៏ត្រូវបានកងកម្លាំងប៉ូលីសដេញបាញ់ ដោយហិង្សា។ មិនតែ ប៉ុនោះ កងកម្លាំងសន្តិសុខដដែលនេះ ក៏បានចុះបាញ់បង្ក្រាបនៅតាម បន្ទប់ស្នាក់នៅរបស់និស្សិត នៃសាកលវិទ្យាល័យ វិទ្យាសាស្ត្រ មួយផងដែរ។
មកដល់ពេលនេះយ៉ាងហោចណាស់ មានប៉ូលីសសន្តិសុខប្រហែល ២០ នាក់បានស្លាប់ នៅក្នុងកំឡុងពេលបាតុកម្មរយៈពេល ៧សប្តាហ៍នេះ។
យ៉ាងណាមិញ អ៊ីរ៉ង់នៅតែបន្ត អះអាងថាចលនាបាតុកម្មនេះ ស្ថិតក្នុងផែនការញុះញង់របស់ សហរដ្ឋអាមេរិក។ នៅក្នុងសេចក្តីថ្លែងការណ៍មួយរបស់ ក្រសួងស៊ើបការណ៍ សម្ងាត់អ៊ីរ៉ង់ បានចោទប្រកាន់ថា ក្រុមCIA របស់សហរដ្ឋអាមេរិក កំពុងឃុបឃិត ជាមួយភ្នាក់ងារ របស់អ៊ីស្រាអែល ចក្រភពអង់គ្លេស និងអារ៉ាប៊ីសាអូឌីត។ ការឃុបឃិតមានបំណងចំបង ដើម្បីបង្កើតភាពចលាចលនៅក្នុងប្រទេសអ៊ីរ៉ង់។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ