កូរ៉េខាងត្បូងប្រជុំគណៈរដ្ឋមន្ត្រីជាបន្ទាន់ ក្រោយយន្តហោះដ្រូនកូរ៉េខាងជើង ហោះចូលដែនអាកាស
ប្រធានាធិបតីកូរ៉េខាងត្បូង លោក យូន ស៊ុកយោល បានកោះប្រជុំគណៈរដ្ឋមន្ត្រីជាបន្ទាន់នៅថ្ងៃអង្គារ៍បន្ទាប់ពី យន្តហោះដ្រូនរបស់កូរ៉េខាងជើង ៥ គ្រឿង បានហោះចូលដែនអាកាសកូរ៉េខាងត្បូង កាលពីថ្ងៃច័ន្ទ។
ចុះផ្សាយនៅថ្ងៃ៖
ប្រធានាធិបតីកូរ៉េខាងត្បូង បានចេញបញ្ជាឲ្យបង្កើតក្រុមការងារពិសេសជាបន្ទាន់មួយ ដើម្បីធ្វើប្រតិបត្តិការឃ្លាំមើលសកម្មភាពយន្តហោះដ្រូនរបស់កូរ៉េខាងជើង។
ចំណាត់ការជាប្រញាប់នេះ ក៏ព្រោះតែ កងយោធាកូរ៉េខាងត្បូង មិនបានចាត់ការបាញ់កម្ទេចយន្តហោះដ្រូនកូរ៉េខាងជើង ៥គ្រឿង នៅដើមសប្តាហ៍ ដែលបណ្តាលឲ្យវាហោះចូលជ្រៅដល់ដែនដីកូរ៉េខាងត្បូង។ រឿងនេះត្រូវបណ្តាសាធារណមតិ រិះគន់កម្លាំងកងទ័ពនិងរដ្ឋាភិបាលកូរ៉េខាងត្បូង ជាខ្លាំងក្លា។
ទីបញ្ជាការកងទ័ពកូរ៉េខាងត្បូង បានចេញលិខិតថ្លែងការណ៍មួយ និងបានសុំទោសមហាជន។ លិខិតនេះ បញ្ជាក់ថា «ថ្ងៃច័ន្ទ យន្តហោះដ្រូនរបស់សត្រូវ ចំនួន ៥ គ្រឿង បានឈ្លានពានដែនអាកាសកូរ៉េខាងត្បូង។ ខាងកម្លាំងកងទ័ព ចាប់សញ្ញាបាន និងបានបន្តតាមដានយ៉ាងជិតដែរ ក៏ប៉ុន្តែ យើងពុំបានបាញ់កម្ទេចនោះឡើយ។ អាស្រ័យហេតុនេះ យើងសូមអភ័យទោស។»
គួរជ្រាបថា នេះគឺជាលើកទី១ហើយ ក្នុងរយៈពេល ៥ ឆ្នាំចុងក្រោយ ដែលយន្តហោះគ្មានមនុស្សបើករបស់កូរ៉េខាងជើង បានហ៊ានហោះចូលជ្រៅដែនអាកាសកូរ៉េខាងត្បូង។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ