បទយកការណ៍
ព្រោះតែជីវភាព អ្នកប្រដាល់ល្បីឈ្មោះសែន រ៉ាឌី សុខចិត្តចោលសង្វៀនមកស្រវាអង្រែនិងត្បាល់បុកល្ហុងលក់
ចុះផ្សាយនៅថ្ងៃ៖
ស្តាប់ - ០៩:៣៣
កាលពីពីរ បីឆ្នាំមុននិយាយពីឈ្មោះសែន រ៉ាឌី អ្នកនិយមចូលចិត្ត និងតាមដានកីឡាប្រដាល់គុនខ្មែរប្រាកដជាបានស្គាល់ច្បាស់នូវថ្វីដៃដ៏រហ័សរហួនរបស់កីឡាករម្នាក់នេះក្នុងការផ្តួលដៃគូប្រកួតនៅលើសង្វៀនមិនថាតែក្នុងស្រុកឬអន្តរជាតិឡើយ។ ប៉ុន្តែកីឡាករដ៏មានសក្តានុពលលើវិស័យប្រដាល់រូបនេះ បែរជាសម្រេចចិត្តបោះបង់ចោលសង្វៀនដែលខ្លួនស្រឡាញ់មកស្រវាកាន់អង្រែនិងត្បាល់ ដើម្បីបុកល្ហុងលក់ទៅវិញ។ កីឡាករសាច់សខ្ចីមកពីខេត្តកោះកុងរូបនេះ អះអាងថា ការដែលគេសម្រេចចិត្តដូច្នេះដោយសារតែរូបគេគ្មានជម្រើសនោះទេ ព្រោះថាប្រដាល់មិនអាចឲ្យរូបគេរស់នៅបានសមរម្យដូចគេឯងឡើយ។
