ជំនួបក្រៅផ្លូវការរដ្ឋមន្ត្រីការពារជាតិអាស៊ាន អាមេរិក នៅសៀមរាបបិទបញ្ចប់
នៅឯខេត្តសៀមរាប កិច្ចប្រជុំក្រៅផ្លូវការរវាងរដ្ឋមន្ត្រីការពារជាតិសហរដ្ឋអាមេរិក លោក Leon Panetta ជាមួយរដ្ឋមន្ត្រីការពារជាតិអាស៊ានបានបិទបញ្ចប់ហើយ កាលពីល្ងាចថ្ងៃសុក្រ ទី១៦វិច្ឆិកា។ ប្រមុខយោធាអាមេរិកបានប្រកាស នៅក្នុងសន្និសីទការសែតថា កម្លាំងយោធារបស់អាមេរិក នៅក្នុងតំបន់អាស៊ីប៉ាស៊ីហ្វិច ក៏ដូចក្នុងតំបន់អាស៊ីអាគ្នេយ៍ដែរ មិនមែនជាការបោះជំហាន នៅពេលថ្មីៗនោះទេ តែវាមានប្រវត្តិ ៧០ឆ្នាំ មកហើយ។លោក Leon Panetta បានថ្លែងថា គោលនយោបាយរបស់អាមេរិក នៅអាស៊ីប៉ាស៊ីហ្វិច មានភាពច្បាស់លាស់ មាននិរន្ដរភាព និងត្រូវបន្ដទៅមុខបន្ថែមទៀត។ លោកបញ្ជាក់ថា កងទ័ពអាមេរិកបានប្រយុទ្ធ និងបានពលី នៅក្នុងសង្គ្រាមក្នុងតំបន់អាស៊ីប៉ាស៊ីហ្វិចនេះ ប៉ុន្ដែ គោលដៅសំខាន់របស់អាមេរិកគឺ ការថែរក្សាសន្ដិភាព នៅក្នុងតំបន់ និងជំរុញឱ្យមានកំណើនសេដ្ឋកិច្ចល្អ ដោយធ្វើឱ្យមនុស្សរាប់លាននាក់ចេញផុតពីភាពក្រីក្រ ដើម្បីបង្កើនអនាគតសម្រាប់មនុស្សជំនាន់ក្រោយៗទៀត៕
ចុះផ្សាយនៅថ្ងៃ៖
