នៅអ៊ីរ៉ង់៖ស្លាប់៧នាក់និងរងរបួសជាច្រើននាក់នៅក្នុងការវាយប្រហារពីរនៅទីក្រុងTéhéran
នៅអ៊ីរ៉ង់ យ៉ាងហោចមានមនុស្សស្លាប់៧នាក់និងរងរបួសជនជាច្រើននាក់ផ្សេងទៀតនៅក្នុងការវាយប្រហារ២នៅថ្ងៃពុធ៧មិថុនានេះក្នុងទីក្រុងTéhéran ក្នុងទីកន្លែងនិមិត្តរូបដ៏សំខាន់បំផុតរបស់អ៊ឺរ៉ង់ គឺនៅសភានិងមតចេតិយប្រមុខដឹកនាំសាសនាអ៊ីស្លាម Khomeini។ នៅក្នុងការវាយប្រហារនេះ ក្រុមអ៊ីស្លាមជីហាតនៃអង្គការរដ្ឋអ៊ីស្លាម បានចេញមុខប្រកាសថាស្នាដៃរបស់ពួកខ្លួន។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៤៤
គឹជាលើកទីមួយហើយដែលមានការវាយប្រហារភេរវកម្មចំនួនពីរ បានកើតឡើងស្ទើរតែស្របពេលជាមួយគ្នានៅថ្ងៃពុធនេះក្នុងទីក្រុង Téhéran គឺនៅទីកន្លែងនិមិត្តរូបដ៏ឧត្តុងឧត្តមបំផុតរបស់សាធារណៈរដ្ឋអ៊ីស្លាមអ៊ីរ៉ង់។ មួយនៅក្នុងបរិវេណសភានិងមួយទៀតនៅទីកន្លែងមតចេតិយរបស់ប្រមុខដឹកនាំសាសនាអ៊ីរ៉ង់ Komeini ។ អំពើភេរវកម្មទាំងពីរខាងលើនេះ ត្រូវបានក្រុមអ៊ីស្លាមជីហាតនៃអង្គការរដ្ឋអ៊ីស្លាម ចេញមុខប្រកាសទទួលស្គាល់ថាជាស្នាដៃរបស់ពួកខ្លួន។ តែទូរទស្សន៍រដ្ឋអ៊ីរ៉ង់ បានផ្សព្វផ្សាយថា ជាការវាយប្រហារភេរវកម្ម។
ពួកភេរវជន ៤នាក់ បានបើកការវាយប្រហារប្រឆាំងទៅលើសភាអ៊ីរ៉ង់ ក្នុងនោះភេរវជន ម្នាក់ បានធ្វើការបំផ្ទុះខ្សែក្រវាត់គ្រាប់បែក។ ក្នុងហេតុការណ៏នេះ ភ្នាក់ងារសន្តិសុខម្នាក់បានស្លាប់និងរងរបួសជន៨នាក់ផ្សេងទៀត ។
យោងតាមប្រព័ន្ធផ្សព្វផ្សាយរបស់អ៊ីរ៉ង់ កងកម្លាំងរក្សាសណ្តាប់ធ្នាប់ បានបើកការវាយលុកប្រឆាំងទល់នឹងពួកភេរវជនដែលលាក់ខ្លួននៅជាន់លើខ្ពស់បំផុតនៃអគារសភាក្នុងខណៈពេលដែលក្រុមអ្នកតំណាងរាស្ត្រ កំពុងបន្តការងាររួមប្រជុំរបស់ខ្លួនដឹកនាំដោយប្រធានសភាអ៊ីរ៉ង់លោក Ali Larijani។
នៅឯទីមតចេតិយរបស់ប្រមុខដឹកនាំសាសនាអ៊ីរ៉ង់ Komeini ដែលស្ថិតនៅម្ងាយប្រមាណជាង២០គមពីមន្ទីរសភានិងនៅភាគខាងត្បូងទីក្រុង Téhéran ក៏ត្រូវទទួលរងការវាយប្រហារដោយស្ត្រីម្នាក់ ដែលបានបំផ្ទុះខ្សែក្រវាត់គ្រាប់បែកពាក់នៅជាប់នឹងខ្លួននៅខាងក្រៅនៃអគារមតចេតិយ នេះបើយោងតាមទីភ្នាក់ងារព័ត៌មានអ៊ីរ៉ង់ IRNA ។
ព័ត៌មានចុងក្រោយបញ្ជាក់ឲ្យដឹងថា ការវាយប្រហារនៅសភា បានចប់អស់ហើយ ចំណែកភេរវជនទាំងបួននាក់នោះ ត្រូវបានស្លាប់-នេះបើយោងតាមបណ្តាញទូរទស្សន៍រដ្ឋអ៊ីរ៉ង IRIB ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ