សហគមន៍បឹងកក់ និងអ្នកបុរីកីឡាស្នើសុំប្រធានាធិបតីអាមេរិកឲ្យជួយដោះស្រាយជម្លោះដីធ្លី
ប្រជាពលរដ្ឋសហគមន៍បឹងកក់ និងបុរីកីឡា បានដើរហែញត្តិ ទៅកាន់ស្ថានទូតអាមេរិក នៅទីក្រុងភ្នំពេញ កាលពីព្រឹកថ្ងៃចន្ទ ទី៥ ខែវិច្ឆិកានេះ ដើម្បីស្នើសុំអន្តរាគមន៍ពីប្រធានាធិបតីអាមេរិក លោក ប៉ារ៉ាក់ អូបាម៉ា ឲ្យជួយដោះស្រាយបញ្ហាដីធ្លីដ៏រ៉ាំរ៉ៃ និងសុំដោះលែងស្ត្រីសកម្មជន នៅបឹងកក់ និងបុរីឡា ដែលត្រូវតុលាការ ចាប់ឃុំខ្លួន។
ចុះផ្សាយនៅថ្ងៃ៖
ប្រធានាធិបតីអាមេរិក លោក ប៉ារ៉ាក់ អូបាម៉ា នឹងធ្វើដំណើរមកកាន់ទីក្រុងភ្នំពេញ ដើម្បីចូលរួមកិច្ចប្រជុំកំពូល ជាមួយនឹងប្រមុខដឹកនាំអាស៊ាន និងមេដឹកនាំប្រទេសជាច្រើនទៀត លើពិភពលោក នៅពាក់កណ្តាលខែវិច្ឆិកានេះ។
ក្នុងពេលដើរដង្ហែក្បួន នៅព្រឹកថ្ងៃចន្ទ ទី៥ វិច្ឆិកា សមត្ថកិច្ចចម្រុះ ព្យាយាមរារាំងក្រុមអ្នកភូមិបឹងកក់ តែមិនមានផ្ទុះអំពើហិង្សាទេ។ អ្នកភូមិក៏បានដើរទៅកាន់ស្ថានទូតអាមេរិក នៅជិតវត្តភ្នំពេញ និងដាក់ញត្តិ ផ្ញើជូនប្រមុខដឹកនាំមហាអំណាចអាមេរិក៕
ក្នុងបញ្ហាជម្លោះដីធ្លីនេះ សហភាពអឺរ៉ុប បានផ្សព្វផ្សាយនៅថ្ងៃនេះ នូវប្រសាសន៍សំខាន់ៗ របស់ប្រធានក្រុមប្រឹក្សាអឺរុប លោក Herman Van Rompuy ក្រោយជំនួបជាមួយលោកនាយករដ្ឋមន្រ្តី ហ៊ុន សែន កាលពីថ្ងៃសុក្រ ទី២ វិច្ឆិកា នៅទីក្រុងភ្នំពេញ។
ប្រធានក្រុមប្រឹក្សាអ៊ឺរុបបានលើកឡើងអំពី "បញ្ហានានា នៅតែបន្តកើតមាន ក្នុងប្រទេស និងបានពិភាក្សាអំពីកង្វល់របស់សហភាពអឺរុប អំពីបញ្ហាការគ្រប់គ្រងដីធ្លី នៅកម្ពុជា ព្រមទាំងជំរុញឱ្យរដ្ឋាភិបាលបន្តផ្អាកជាបណ្តោះអាសន្នការផ្តល់ដីសម្បទានសេដ្ឋកិច្ច និងបន្តផ្តល់កម្មសិទ្ធិដីធ្លីដល់ពលរដ្ឋ។
សហភាពអឺរុប គឺជាដៃគូពាណិជ្ជកម្ម និងជាម្ចាស់ជំនួយដ៏សំខាន់បំផុតមួយ របស់កម្ពុជា ហើយសហភាពអឺរ៉ុប នៅតែបន្តគាំទ្រកម្ពុជាយ៉ាងសកម្ម ក្នុងកិច្ចខិតខំប្រឹងប្រែងរបស់កម្ពុជា លើការកាត់បន្ថយភាពក្រីក្រ អភិវឌ្ឍន៍សេដ្ឋកិច្ច និងបន្តជំរុញឲ្យមានលទ្ធិប្រជាធិបតេយ្យ និងនីតិរដ្ឋ គោរពសិទ្ធិមនុស្ស និងការបោះឆ្នោតមានតម្លាភាពនៅឆ្នាំក្រោយ។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ