មិនជំទាស់នឹងការអភិវឌ្ឍ ពលរដ្ឋរស់នៅបណ្ដោយផ្លូវដែកស្នើកុំឲ្យមានការបណ្ដេញចេញ
ចុះផ្សាយនៅថ្ងៃ៖
ស្តាប់ - ០៨:៤១
បន្ទាប់ពីរដ្ឋាភិបាលបង្ហាញពីគម្រោងអភិវឌ្ឍន៍ផ្លូវដែក គឺពលរដ្ឋរស់នៅតាមបណ្ដោយផ្លូវរថភ្លើងនេះ បានចុះផ្លូវធ្វើការតវ៉ាជាបន្តបន្ទាប់ បំណងចង់ឲ្យសាលារាជធានីភ្នំពេញផ្ដល់ព័ត៌មានឲ្យច្បាស់ពីគម្រោងនេះ។ កន្លងមកអភិបាលរាជធានីភ្នំពេញបង្ហើបថា នឹងអភិវឌ្ឍផ្លូវប៉ះពាល់ដីពលរដ្ឋយ៉ាងតិច ១៥ម៉ែត្រពីអ័ក្សសងខាងនៃភ្លើងរថភ្លើង។ តែពលរដ្ឋថា រយៈចំងាយនេះនឹងប៉ះពាល់ធ្ងន់ធ្ងរពោលគឺរលាយអស់គ្មានដីសង់ផ្ទះតែម្ដង។ ជួបជាមួយពលរដ្ឋរស់នៅបណ្ដោយផ្លូវរថភ្លើងស្ថិតម្ដុំបឹងកកពីក្រោយសាលាតិចណូ បានលើកជាសំណូមពរដូចគ្នា ដោយស្នើឲ្យអាជ្ញាធរបង្រួមទំហំផ្លូវឡើងវិញបន្តិច។ ពួកគាត់បន្ថែមថា មិនជំទាស់នឹងការអភិវឌ្ឍទេ តែស្នើកុំឲ្យមានការបណ្ដេញចេញ។
