នាយករដ្ឋមន្ត្រីប្តេជ្ញាដោះស្រាយនឹងអតុល្យភាពដែលមានការកើនឡើង
នៅក្នុងឱកាសចែកសញ្ញាបត្រដល់និស្សិតនៃវិទ្យាស្ថានបច្ចេកវិទ្យានៅព្រឹកថ្ងៃចន្ទទី០១ធ្នូនេះ លោកនាយករដ្ឋមន្ត្រី ហ៊ុន សែន ទទួលស្គាល់ថា បច្ចុប្បន្នបញ្ហាអតុល្យភាពក្នុងសង្គមខ្មែរបានកើនឡើងរហូតដល់១២ចំណុច ធៀបនឹងទសវត្ស១៩៨០ មានតែ៤ចំណុចប៉ុណ្ណោះ។ កំណើននៃអតុល្យភាពនេះគឺមិនទាន់គិតដល់ចំណុចមួយចំនួនទាក់ទងទៅនឹងសមាហរណកម្មក្នុងតំបន់អាស៊ាន និងពិភពលោកនៅឡើយ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:២៧
ប្រមុខរដ្ឋាភិបាលកម្ពុជា បានប្រកាសជាសាធារណៈថាប្រទេសកម្ពុជាបច្ចុប្បន្នកំពុងជួបប្រទះ
នឹងបញ្ហាអតុល្យភាពកាន់តែច្រើនឡើង ខុសពីទសវត្ស១៩៨០ ដែលកាលណោះអតុល្យភាព
មានតែ៤ចំណុចប៉ុណ្ណោះ តែឥលូវនេះបានកើនឡើងដល់ទៅ១២ចំណុច។
ការថ្លែងបែបនេះបានធ្វើឡើងខណៈដែលលោកនាយករដ្ឋមន្ត្រី ហ៊ុន សែន ធ្វើជាអធិបតីប្រគល់សញ្ញាបត្រដល់និស្សិតវិទ្យាស្ថានបច្ចេកវិទ្យាកម្ពុជា ITC នៅព្រឹកថ្ងៃទី០១ ខែធ្នូ ឆ្នាំ ២០១៤នេះ។
លោក ហ៊ុន សែន លើកឡើងថា អតុល្យភាពទាំងនោះរួមមាន សេចក្តីត្រូវការ និងការខ្វះខាតផ្នែកផ្គង់ បញ្ហាចំណូលទាប និងការចំណាយថវិកាជាតិកើនខ្ពស់ ការនាំចេញមានកម្រិតទាប តែការនាំចូលខ្ពស់ រូបិយវត្ថុ និងទំនិញលើទីផ្សារឡើងថ្លៃខ្ពស់ តម្រូវការ នៃអភិវឌ្ឍន៍ តែប្រព័ន្ធហេដ្ឋារចនាសម្ព័ន្ធនៅទន់ខ្សោយ សេចក្តីត្រូវការអភិវឌ្ឍន៍ និងការខ្វះខាតនូវធនធានមនុស្សសេចក្តីត្រូវការក្នុងជីវភាពរស់នៅរបស់ប្រជាពលរដ្ឋ និងការអភិវឌ្ឍនៅទាប តម្រូវការពលកម្ម និងការ ធ្វើចំណាកស្រុក តម្រូវការការងារធ្វើ និងកង្វះនូវការកែច្នៃ វត្ថុធាតុដើមមានច្រើន តែខ្វះធម្យោបាយកែច្នៃ ផលិតផលរបស់ប្រជាកសិករមានតែខ្វះទីផ្សារសម្រាប់នាំចេញ និង តម្រូវការសេវាមានច្រើន និងត្រូវការលឿន តែស្ថាប័នផ្តល់សេវានៅខ្វះខាត យឺតយ៉ាវ មិនទាន់មានប្រសិទ្ធភាព ឬប្រសិទ្ធភាពទាប។
ក្នុងចំណោមអតុល្យភាពទាំងនេះចំណុចទី៤ ទាក់ទងបញ្ហាអតិផរណា ត្រូវលោកនាយករដ្ឋ
មន្ត្រី បញ្ជាក់ថាមានសារៈសំខាន់ជាងគេ ដែលចាំបាច់ត្រូវមានការយកចិត្តទុកដាក់ខ្ពស់ជាងគេដែរ។
លើសពីលោកនាយករដ្ឋមន្ត្រី ហ៊ុន សែន បញ្ជាក់ថានៅមានចំណុចបន្ទាប់បន្សំមួយចំនួនទៀត ដោយមិនទាន់គិតពីបញ្ហាអតុល្យភាពនៃសមាហរណកម្មក្នុងតំបន់និងពិភពលោក។ទោះយ៉ាងនេះក្តីលោក ហ៊ុន សែន បញ្ជាក់ថា១២ចំណុចនៃអតុល្យភាពនេះទាមទារឲ្យមានការដោះស្រាយមុនគេ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ