សមាគមជួយសង្គ្រោះសត្វឆ្កែ និងឆ្មាអនាថានៅតាមចិញ្ចើមផ្លូវ
ចុះផ្សាយនៅថ្ងៃ៖
ស្តាប់ - ០៨:៤៦
នៅកម្ពុជាមានអង្គការ សមាគមក៏ដូចជាមជ្ឈមណ្ឌលជាច្រើនដែលធ្វើការជួយដល់ក្មេងៗកំព្រា អនាថា ឫ សុំទាននៅតាមដងផ្លូវ។ ក៏ប៉ុន្តែបើនិយាយពីអង្គការ សមាគម ជួយដល់សត្វចិញ្ចឹមដូចជាឆ្កែនិងឆ្មាជាដើមនោះ ហាក់ដូចជាមិនដែលធ្លាប់ឮនោះទេ។ កាប៉ា(CAPA)គឺជាសមាគមការពារសត្វកម្ពុជាមួយដែលបានបង្កើតឡើងកាលពីដើមឆ្នាំ២០១២ ហើយមកដល់ពេលនេះ សមាគមមួយនេះបានប្រមូលសត្វឆ្កែ និង ឆ្មា ដែលរស់នៅអនាថាតាមដងផ្លូវប្រមាណជាង១០០ក្បាលហើយមកចិញ្ចឹម។ សត្វឆ្កែ និងឆ្មាដែលរស់នៅទីនេះ ប្រៀបដូចជានៅក្នុង”សណ្ឋាគារ” មួយដូច្នេះដែរ ព្រោះពួកវាទទួលបានការមើលថែ និងលក្ខខណ្ឌរស់នៅយ៉ាងល្អ។