បទយកការណ៍
អ្នកធាក់ស៊ីក្លូទោះបីមិនមានភ្ញៀវដឹក ក៏បាន៧ពាន់រៀលក្នុងមួយថ្ងៃ
ចុះផ្សាយនៅថ្ងៃ៖
ស្តាប់ - ០៨:០៤
មូលនិធិស៊ីក្លូត្រូវបានបង្កើតដោយលោកនាយករដ្ឋមន្រ្តី ហ៊ុន សែន កាលពីដើមឆ្នាំនេះ ពោលមានរយៈពេលជិត២ខែហើយ។ លោកនាយករដ្ឋមន្រ្តីបានអះអាងថាលោកបោះទុនដំបូង ១០០លានរៀលនិងបង់ប្រចាំខែ១០ លានរៀលទៀត សរុបមួយឆ្នាំ ១២០ លានរៀលដល់មូលនិធិនេះ ។ក្នុងគោលបំណងជួយទ្រទ្រង់ជីវភាពរបស់ក្រុមអ្នកធាក់ស៊ីក្លូ និងអភិរក្សមុខរបរខ្មែរបុរាណនេះ ដើម្បីទាក់ទាញភ្ញៀវទេសចរបរទេស។ ជាលទ្ធផលមកដល់ពេលនេះ អ្នកធាក់ស៊ីក្លូបាននិយាយថាពួកគេទទួលបានលុយឧបត្ថម្ភក្នុងម្នាក់៧ពាន់រៀលប្រចាំថ្ងៃ ក្រោយពីប្រមុខរដ្ឋាភិបាលបង្កើតមូលនិធិស៊ីក្លូនេះ។