បទយកការណ៍
កូដករនៅស្ថានីយ៍សាំងកាល់តិចក្រុងភ្នំពេញផ្តេកផ្តួលលើអន្តរាគមន៍បរទេស
ចុះផ្សាយនៅថ្ងៃ៖
ស្តាប់ - ១១:១៣
បុគ្គលិកស្ថានីយ៍ប្រេងកាល់តិចនៅកម្ពុជា ដែលកំពុងធ្វើកូដកម្ម បានស្នើសុំអន្តរាគមន៍ពីស្ថានទូតសហរដ្ឋអាមេរិក និងសហជីពអន្តរជាតិផ្សេងៗទៀត ឱ្យជួយពួកគេបានរស់នៅសមរម្យ។ មន្ត្រីស្ថានទូតបានចេញមកទទួលញតិរបស់តំណាងពួកគេ កាលពីព្រឹកថ្ងៃព្រហស្បតិ៍។ នេះជាការស្នើសុំជំនួយពីបរទេសស្រដៀងគ្នានឹងសំណើរបស់កម្មកររោងចក្រកាត់ដេរដែរ។ ទាំងមេដឹកនាំសហជីព ទាំងមន្ត្រីសិទ្ធិមនុស្សយល់ថា ការដង្ហើយរកជំនួយពីបរទេសគឺជាមធ្យោបាយ«ចុងក្រោយ» ពេលដែលរដ្ឋាភិបាលខ្មែរ«មិនបានរកដំណោះស្រាយសមស្រប»សម្រាប់កម្មករនិយោជិត។
