បទយកការណ៍
ឆ្មាំថ្មីនៅព្រះសក្យមុនីចេតីយ តែប្រពៃណីគោរពបូជាព្រះពុទ្ធនៅដដែល
ចុះផ្សាយនៅថ្ងៃ៖
ស្តាប់ - ០៧:៥០
អវត្តមានព្រះបរមសារីរិកធាតុ តាំងពីថ្ងៃទី១០ធ្នូ មិនបានធ្វើឱ្យបរិកាសនៅទីនោះ ប្រែប្រួលគួរឱ្យកត់សម្គាល់ឡើយ។ អ្នកលក់ដូរពុទ្ធសាសនិក ភ្ញៀវជាតិ និងអន្តរជាតិ នៅតែអាចទៅទស្សនា គោរពបូជា បន់ស្រន់ នៅទីនោះបាន។ ប្លែកត្រង់ថាអ្នកខ្លះខំមកពីឆ្ងាយ ដើម្បីមើលឱ្យប្រាកដថា ព្រះបរមសារីរិកធាតុពិតជាបាត់មែន។ ឯអ្នកខ្លះទៀត ដែលនៅរៀងអាយ ឡើងលើកំពូលភ្នំព្រះរាជទ្រព្យ ដើម្បីធ្វើការជំនួសឆ្មាំចាស់ៗ ដែលមិនអាចការពារព្រះសារីរិកធាតុ និងវត្ថុមានតម្លៃផ្សេងនៅក្នុងព្រះសក្យមុនីចេតិយបាន។ ប៉ុន្តែ ស្ទើរតែគ្រប់គ្នានៅទីនោះហាក់មិនសូវហ៊ាននិយាយអំពីរឿងនេះចំហឡើយ។
