វត្តចាស់ស្រឡះល្អ សម្រាប់អ្នកស្វែងរកយុត្តិធម៌នៅរាជធានី
ចុះផ្សាយនៅថ្ងៃ៖
ស្តាប់ - ០៩:០៧
តាមប្រពៃណី ប្រជារាស្ត្រខ្មែរ ដែលមិនសុខចិត្តនឹងវិធីដោះស្រាយរបស់មន្ត្រី ឬចៅក្រម នៅថ្នាក់ក្រោម តែងតែមករកយុត្តិធម៌នៅរាជធានី។ ក្នុងសម័យបុរាណ ព្រះមហាក្សត្រទ្រង់ជាអ្នកដោះស្រាយបញ្ហារបស់រាស្ត្រនៅគ្រាចុងក្រោយ។ ក្នុងសម័យនេះ ប្រជារាស្ត្រដឹងថា ទីបំផុត មានតែនាយករដ្ឋមន្ត្រី និងរដ្ឋសភាទេ ដែលអាចជួយដោះស្រាយវិវាទរបស់អ្នកស្រុកបាន។ ចំពោះអ្នកភូមិមកពីទីជនបទ វត្តអារាម ពុទ្ធសាសនា ជាក្តីសង្ឃឹមមួយសម្រាប់ការស្នាក់អាស្រ័យ ក្នុងដំណើរស្វែងរកយុត្តិធម៌នៅរាជធានី។ វត្តពោធិយារាម ហៅវត្តចាស់ ក្នុងសង្កាត់ជ្រោយចង្វារ ខណ្ឌឬស្សីកែវ គឺស្រឡះល្អសម្រាប់អ្នកមានវិបត្តិ។