បទយកការណ៍
ពលរដ្ឋអ្នកមកចូលរួមបុណ្យអុំទូកនៅចងចាំព្រឹត្តិការណ៍ស្ពានពេជ្រ ប៉ុន្តែពលរដ្ឋសរសើរការរៀបចំសណ្តាប់ធ្នាប់របស់សមត្ថកិច្ច
ចុះផ្សាយនៅថ្ងៃ៖
ស្តាប់ - ០៨:២៦
គិតត្រឹមថ្ងៃចន្ទទី១៤ វិច្ឆិកានេះ គឺថ្ងៃទី២ហើយនៃព្រះរាជពិធីបុណ្យអុំទូក បណ្តែតប្រទីប។ ប្រជាពលរដ្ឋមកពីទូទាំងប្រទេសបានធ្វើដំណើរមកកាន់រាជធានីភ្នំពេញដើម្បីចូលរួមអបអរសាទរពិធីដែលមានមនុស្សរ៉ាប់សិបម៉ឺននាក់បានចូលរួម។ ប្រជាពលរដ្ឋដែលមកពិធីបុណ្យដែលមានមនុស្សកកកុញនេះ បាននិយាយថាពួកមិនភ្លេចឡើយព្រឹត្តិការណ៍រត់ជាន់គ្នាស្លាប់នៅកោះពេជ្រកាលពីឆ្នាំ២០១០នោះទេ។យ៉ាងណាក៏ដោយពលរដ្ឋដែលចូលរួមពិធីបានលើកឡើងថានៅឆ្នាំនេះ អាជ្ញាធរ បានរៀបចំសណ្តាប់ធ្នាប់និងការជួយសម្រួលភាពកកកុញបានល្អប្រសើរ។
