លោក ខៀវ សុភ័គ៖កម្ពុជាដាក់ជនបរទេសចំនួន២០០០នាក់ក្នុងបញ្ជីខ្មៅ
ជនបរទេសចំនួន២០០០នាក់មិនអាចចូលប្រទេសកម្ពុជា បានទេដោយសារតែពួកគេមាន ឈ្មោះនៅក្នុងបញ្ជីខ្មៅ។ ជាក់ស្ដែង លោក Alejandro GonZalez Davidson សកម្មជនការពារព្រៃតំបន់អារ៉ែងដែលកម្ពុជាបានបណ្តេញចេញពីកាលពីថ្ងៃទី២៣កុម្ភៈ ឆ្នាំ២០១៥។ និយាយជារួមគឺរាល់ជនបទេសដែលក្រសួងមហាផ្ទៃបានបណ្ដេញចេញ ហើយគឺមិនអាចចូលកម្ពុជាបាន។ តួយ៉ាងករណីជនជាតិវៀតណាមដែលអាជ្ញាធរកម្ពុជាកំពុងធ្វើការបញ្ជូនចេញជារៀងរាល់ថ្ងៃនេះ។ មួយវិញទៀត ការដាក់ជនបរទេសក្នុងបញ្ជីខ្មៅ ដោយសារតែកម្ពុជាមានកិច្ចសហការជាមួយអង្គការសហប្រជាជាតិ និង ប៉ូលីសអាំងទែប៉ូល។ លោក ខៀវ សុភ័គ អ្នកនាំពាក្យក្រសួងមហាផ្ទៃប្រាប់វិទ្យុបារាំងថា ភាគច្រើននៃជនបរទេសស្ថិតនៅក្នុងបញ្ជីខ្មៅគឺពួកគេប្រព្រឹត្តបទល្មើសមួយចំនួនដូចជា៖រត់ពន្ធគ្រឿងញៀន ជួញដូរមនុស្ស និង ភេរវជន ជាដើម។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:១៨