តុលាការអាចទទួលស្គាល់ដើមបណ្តឹងរដ្ឋប្បវេណីក្នុងសំណុំរឿង០០២ត្រឹម៤០%ប៉ុណ្ណោះ
ចុះផ្សាយនៅថ្ងៃ៖
ស្តាប់ - ០៨:០៩
នៅមុនការបើកសវនាការនៃសំណុំរឿង០០២ ដែលនឹងត្រូវប្រព្រឹត្តិទៅនៅដើមឆ្នាំ២០១១ សហចៅក្រមស៊ើបអង្កេតរបស់សាលាក្តីខ្មែរក្រហម បានចាប់ផ្តើមពិនិត្យនិងទទួលស្គាល់ពាក្យបណ្តឹងរបស់ជនរងគ្រោះដែលសុំ តាំងខ្លួនជាដើមបណ្តឹងរដ្ឋប្បវេណីជាបន្តបន្ទាប់។ នៅក្នុងការពិនិត្យមើលពាក្យបណ្តឹងនេះ មេធាវីការពារជនរងគ្រោះមានក្តីរំពឹងថានឹងមានដើមបណ្តឹងរដ្ឋប្បវេណី ចំនួនត្រឹមតែ៤០%តែប៉ុណ្ណោះ ក្នុងចំណោមដើមបណ្តឹងរដ្ឋប្បវេណីសរុបចំនួន៤ពាន់រូប ដែលអាចនឹងត្រូវបានតុលាការទទួលស្គាល់ជាដើមបណ្តឹងរដ្ឋប្បវេណី ពេញច្បាប់ក្នុងសំណុំរឿង០០២។ អង្គភាពគាំពារជនរងគ្រោះបានរៀបចំវេទិកាដើមបណ្តឹងរដ្ឋប្បវេណី ថ្នាក់តំបន់នៅក្រុងបាត់ដំបង នៅក្នុងថ្ងៃចន្ទ័និងថ្ងៃអង្គារនេះ ដើម្បីផ្តល់ឱកាសអោយដើមបណ្តឹងរដ្ឋប្បវេណី ជួបពិភាក្សានិងបំពេញបែបបទជាមួយមេធាវីរបស់ខ្លួនបន្ថែមទៀត។