បទយកការណ៍
ការភ័យព្រួយពីការបណ្តេញចេញនាំអ្នកភូមិបឹងកក់មិនហ៊ានចេញទៅធ្វើបុណ្យក្នុងរដូវភ្ជុំ
ចុះផ្សាយនៅថ្ងៃ៖
ស្តាប់ - ០៨:១០
ស្របពេលដែលពលរដ្ឋខ្មែរនៅក្នុងនិងក្រៅប្រទេស កំពុងសប្បាយរីករាយក្នុងការធ្វើបុណ្យទានក្នុងរដូវភ្ជុំបិណ្ឌនា ពេលនេះ ពលរដ្ឋរស់នៅក្នុងតំបន់បឹងកក់កណ្តាលទីក្រុងភ្នំពេញមិនមានអារម្មណ៏ សប្បាយរីករាយក្នុងការចេញទៅធ្វើបុណ្យនោះទេ។ អ្នកខ្លះកំពុងភ័យព្រួយពីការបណ្តេញចេញ អ្នកខ្លះកំពុងរុះរើផ្ទះចេញពីតំបន់បឹងកក់ទៅនៅកន្លែងថ្មី អ្នកខ្លះទៀតកំពុងរងចាំសំណងពីក្រុមហ៊ុន ចំណែកផ្ទះជាច្រើនខ្នងទៀតកំពុងទឹកជន់លិច។ កក្តាទំាងអស់នេះ បានចងជើងពលរដ្ឋមិនអោយចញទៅណាឆ្ងាយពីផ្ទះបានឡើយ រួមទំាងការចេញទៅធ្វើបុណ្យក្នុងរដូវភ្ជុំបិណ្ឌនេះផង។