កម្ពុជា
បើកការដ្ឋានសាងសង់ស្ពានអាកាស នៅស្តុបពេទ្យលោកសង្ឃ
ស្ពានអាកាស ទី២ នៅស្តុបពេទ្យលោកសង្ឃ ក្នុងទីក្រុងភ្នំពេញ ត្រូវបានបើកការដ្ឋានសាងសង់ នៅព្រឹកថ្ងៃពុធនេះ។ តាមគម្រោងប្លង់ ស្ពានអាកាសទី២នោះ មានបណ្តោយ ៣៤៥ ម៉ែត្រ ទទឹង ១៥,២០ ម៉ែត្រ តាមបណ្តោយផ្លូវសហព័ន្ធរុស្ស៊ី និងខ្នែងភ្ជាប់ ដែលមានបណ្តោយ ១៦០ ម៉ែត្រ និងទទឹង ៦,៥០ ម៉ែត្រ ជាផ្លូវឯកទិស តាមផ្លូវកម្ពុជាក្រោម។ គម្រោងសាងសង់ស្ពានអាកាសនោះ ត្រូវប្រើពេល ១៣ ខែ និងប្រើប្រាស់ថវិកា ចំនួន ៨,៧ លានដុល្លារ ដែលបានមកពីការអភិវឌ្ឍន៍កោះពេជ្រ។ស្ពានអាកាសទី១ នៅក្បាលថ្នល់ ក្នុងទីក្រុងភ្នំពេញ ដើម្បីបញ្ជៀសការកកស្ទះចរាចរណ៍ ត្រូវបានបើកសម្ពោធដាក់ឲ្យប្រើប្រាស់ កាលពីខែមិថុនា៕
ចុះផ្សាយនៅថ្ងៃ៖
