បឹងទន្លេសាបគឺជាទីកន្លែងដែលសំបូរត្រីច្រើនជាងគេនៅប្រទេសកម្ពុជា។ ប៉ុន្តែ ក្នុងរយៈពេលពីរបីឆ្នាំចុងក្រោយនេះ ប្រជាជនអ្នកនេសាទតូចតាចនៅតាមបឹងទន្លេសាប ជាពិសេសក្នុងខេត្តសៀមរាបកំពុងបោះបង់អាជីពជាអ្នកនេសាទត្រី ជាបន្តបន្ទាប់ ដោយសារតែបរិមាណត្រីកាន់តែមានការថយចុះ។ ការហិនហោចត្រី ពីមួយឆ្នាំទៅមួយឆ្នាំនេះ ក៏អាចឆ្លុះបញ្ចាំងពីជីវភាពក្រីក្រនិងសេដ្ឋកិច្ចអន់ខ្សោយរបស់ប្រជាជនដែលរស់នៅតាមតំបន់នេះដែរ។
