Louis Delaporte អ្នកស្នេហាបេតិកភណ្ឌខ្មែរ នៅសតវត្សរ៍ទី ១៩
ចុះផ្សាយនៅថ្ងៃ៖
ស្តាប់ - ០៩:៣០
នៅទីក្រុងប៉ារីស សារមន្ទីរបារាំងមួយឈ្មោះ ហ្គីមេ Guimet ចាប់ផ្តើមពីថ្ងៃពុធនេះ ដាក់តាំងបង្ហាញរូបចម្លាក់ខ្មែរបុរាណពិត និងរូបចម្លាក់ចាក់ពុម្ព ដែលជនជាតិបារាំងម្នាក់ គឺលោកល្វី ដឺលាពក Louis Delaporte បានបង្កើត និងនាំយកមកប្រទេសបារំាង កាលពីជាងមួយរយឆ្នាំ។ ពិព័រណ៌នេះនឹងចាប់ផ្តើមបើកទ្វារដល់សាធារណជន ពីថ្ងៃពុធទី ១៦ តុលា នេះ រហូតដល់ថ្ងៃទី ១៣ មករា ឆ្នាំ ២០១៤។
អ្នកគំនូរជនជាតិបារាំង Louis Delaporte បានចុះទៅតំបន់អង្គរជាលើកដំបូង កាលពីឆ្នាំ១៨៦៦ ក្នុងក្របខណ្ឌនៃបេសកកម្មរុករកតំបន់មេគង្គ។ កាលណោះ ពេលបានទៅដល់និងបានឃើញទីនោះមានប្រាសាទហ៊ុំព័ទ្ធទៅដោយព្រៃឈើ និងវល្ល៍ធម្មជាតិ លោក Delaporte បានបាក់ចិត្តស្រលាញ់សិល្បៈខ្មែរយ៉ាងងុបងុល។
ដោយសារការស្រលាញ់នេះ បន្ទាប់ពីបានបំពេញបេសកកម្មនោះរួចមក លោកបានត្រលប់ទៅប្រទេសកម្ពុជាវិញ ជាច្រើនលើកច្រើនសា។ អតីតព្រះមហាក្សត្រខ្មែរ បានអនុញ្ញាតអោយជនជាតិបារាំងរូបនេះ នាំយកវត្ថុបុរាណ រូបចម្លាក់ខ្មែរ និងឯកសារពាក់ព័ន្ធនានា មកប្រទេសបារាំង ដើម្បីផ្សព្វផ្សាយពីអរិយធម៌ខ្មែរ អោយបានទូលំទូលាយ។
តាមរយៈបេតិកភ័ណ្ឌទាំងនោះ និងតាមរយៈស្នាដៃចាក់ពុម្ព និងរូបគំនូរផ្សេងៗទៀត របស់លោក Louis Delaporte ពិព័រណ៍នៅសារមន្ទីរ Guimet នឹងបង្ហាញអ្នកទស្សនាអោយបានដឹងថា តើគេបានរកឃើញបេតិកភ័ណ្ឌខ្មែរទាំងនោះឡើងវិញ តាមរបៀបណា ? កាលពីសម័យអាណានិគមបារាំងនោះ តើប្រាសាទនានានៅអង្គរ ត្រូវបានបង្ហាញអោយសាធារណជនស្គាល់តាមរបៀបណាដែរ?
{{ scope.legend }}
© {{ scope.credits }}ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ