៣០ឆ្នាំ ក្រោយមរណភាព មរតកសំនៀងរបស់អធិរាជសំលេងមាស ស៊ីន ស៊ីសាមុត ត្រូវបានការពារ
ចុះផ្សាយនៅថ្ងៃ៖
ស្តាប់ - ១០:៣០
អំណឹះតទៅផលិតកម្មក្នុងស្រុកនិងក្រៅស្រុក ដែលមានបំណងចង់សំដែងច្រៀង ឬកែទំនុកបទចំរៀងរបស់អធិរាជសំលេងមាសលោកស៊ីនស៊ីសាមុតត្រូវតែសុំការអនុញ្ញាតពីគ្រួសាររបស់លោក ស៊ីន ស៊ីសាមុតជាមុន។ ការសុំអនុញ្ញាត ដោយសាតែ គ្រួសាររបស់លោក ស៊ីន ស៊ីសាមុត នៅព្រឹកថ្ងៃទី៣០ ខែមេសា ឆ្នាំ២០១៤នេះ បានដាក់សំណើកម្មសិទ្ធិបញ្ញាសុំការការពារស្នាដៃគ្មានពីររបស់លោកស៊ីនស៊ីសាមុតពីក្រសួងពាណិជ្ជកម្មនិងក្រសួងវប្បធម៌។ នេះគឺជាវិធានការការពារ មរតកសំនៀងរបស់អធិរាជសំលេងមាស លោក ស៊ីន ស៊ីសាមុត ពីការលូចចំលង កែរទំនុក រឺបទភ្លេងពីផលិតកម្មផ្សេងៗ និងដើម្បីជួយ ដល់គ្រួសាររបស់លោក ស៊ីន ស៊ីសាមុត ទទួលបានកំរៃពីការធ្វើអាជីវកម្មផ្សេងៗផងដែរ។
