ឪពុកម្តាយកុមារ មិនចង់ឃើញមន្ទីរពេទ្យគន្ធបុប្ផាបិទទ្វារ
ចុះផ្សាយនៅថ្ងៃ៖
ស្តាប់ - ០៧:៥៥
ក្នុងរយៈពេលមួយថ្ងៃៗ កុមារមិនតិចជាងជិត១ពាន់នាក់ទេ ដែលបានចូលសំរាកព្យាបាល និងមកទទួលយកឱសថព្យាបាល ពីមន្ទីរពេទ្យគន្ធបុប្ផា។ មន្ទីរពេទ្យគន្ធបុប្ផា ដែលបានបម្រើសេវាកម្មព្យាបាលជំងឺទូទៅផ្នែកកុមារ នៅកម្ពុជា ដោយមិនគិតថ្លៃ និងមានប្រសិទ្ធភាព។ សម្រាប់ឈ្មោះមន្ទីរពេទ្យគន្ធបុប្ផា ប្រជាពលរដ្ឋខ្មែរគ្រប់ទិសទី ដែលធ្លាប់មានកូនតូចៗ គឺពិតណាស់បានស្គាល់មន្ទីរពេទ្យសប្បុរសមួយនេះ។ ក្នុងខណៈដែលមន្ទីរពេទ្យដង្ហោយសុំជំនួយសម្រាប់ប្រតិបត្តិការ អាណាព្យាបាល ឪពុកម្តាយ របស់កុមារៗដែលមកពីគ្រប់ជ្រុងនៃប្រទេសកម្ពុជា បានសម្តែងក្តីកង្វល់ពីការបិទទ្វាររបស់មន្ទីរពេទ្យមួយនេះ។ ហើយពួកគាត់អំពាវនាវឱ្យជនជាតិខ្មែរគ្រប់ស្រទាប់វណ្ណៈ ពូនផ្តុំគ្នាជួយគ្នាឡើង ដើម្បីសង្គ្រោះអាយុជីវិតកុមារកម្ពុជា។