បទយកការណ៍
យុវជនមួយក្រុមសម្តែងពីប្រវត្តិប្រាសាទព្រះវិហារក្នុងឳកាស៥ឆ្នាំដែលយូណេស្កូ ចុះបញ្ជីប្រាសាទខ្មែរនេះជាសម្បត្តិបេតិកភណ្ឌពិភពលោក
ចុះផ្សាយនៅថ្ងៃ៖
ស្តាប់ - ០៨:៣៦
មូលនិធិកេរដំណែលខ្មែរ ដែលមានសកម្មភាពស្រាវជ្រាវកេរដំណែលខ្មែរ ដូចជាប្រាសាទបុរាណ វប្បធម៌ ប្រពៃណីនោះ បានរៀបចំពិធីអបអរសាទរ ខូប៥ឆ្នាំនៃការចុះបញ្ជីប្រាសាទព្រះវិហារជាសម្បត្តិបេតិកភណ្ឌពិភពលោក ដោយអង្គការយូណេស្កូ។ ពិធីបានប្រារព្ធធ្វើពេញមួយថ្ងៃ ថ្ងៃទី៥កក្កដានេះ នៅសកលវិទ្យាល័យហ្សាម៉ាន់ ក្នុងរាជធានីភ្នំពេញ ដោយមានកម្មវិធីជាច្រើនដូចជា ការសម្តែង របាំ ចំរៀង និងបទបង្ហាញពីនានា ជុំវិញប្រាសាទព្រះវិហារ។ ក្នុងនោះ ក៍ការឈុតសម្តែង អំពីប្រវត្តិប្រាសាទព្រះវិហារ ដែលមានចំណងជើងថា “ព្រលឹងប្រាសាទព្រះវិហារ ” ជាការសម្តែងដែលទទួលបានការចាប់អារម្មណ៍ ពីអ្នកចូលរូម។
