សាលាក្តីខ្មែរក្រហមបញ្ជូនកំហុសវិជ្ជាជីវៈក្រុមមេធាវីជាតិនិងអន្តរជាតិការពារក្តីខៀវ សំផន ទៅកាន់គណៈមេធាវីកម្ពុជា និងប៉ារីស
អង្គជំនុំជម្រះសាលាដំបូងសម្រេចបញ្ជូនកំហុសវិជ្ជាជីវៈរបស់ក្រុមមេធាវីការពារក្តី ខៀវ សំផន ទៅអង្គភាពមានសមត្ថកិច្ចរបស់ពួកគេរៀងៗខ្លួន។ តាមសេចក្តីប្រកាសព័ត៌មានរបស់សាលាក្តីខ្មែរក្រហម ចេញផ្សាយនៅថ្ងៃទី ១៩ ធ្នូនេះ បានបញ្ជាក់ថា នៅថ្ងៃសុក្រនេះ អង្គជំនុំជម្រះសាលាដំបូងនៃសាលាក្តីខ្មែរក្រហម បានសម្រេចចេញដីកាបញ្ជូនកំហុសវិជ្ជាជីវៈរបស់លោកមេធាវី គង់ សំអុន សហមេធាវីជាតិការពារក្តីខៀវ សំផន ទៅគណៈមេធាវីកម្ពុជា និងបញ្ជូនកំហុសរបស់លោកមេធាវី Arthur Vercken និងមេធាវី Anta Guisse សហមេធាវីអន្តរជាតិរបស់ខៀវ សំផន ទៅប្រធានគណៈមេធាវីក្រុងប៉ារីស និងអគ្គរដ្ឋអាជ្ញានៃសាលាឧទ្ធរណ៍ក្រុងបារីស។ ការសម្រេចនេះ ត្រូវបានធ្វើឡើងបន្ទាប់ពីសហក្រុមមេធាវីការពារក្តីឲ្យខៀវ សំផន ទាំងជាតិ និងអន្តរជាតិមិនបានចូលខ្លួនទៅបំភ្លឺតាមការបង្គាប់របស់តុលាការម្តងហើយម្តងទៀត ក្នុងការចូលរួមកិច្ចដំណើរការនីតិវិធីសវនាការក្នុងសំណុំរឿង ០០២ វគ្គ២។ក្នុងសេចក្តីប្រកាសព័ត៌មានបានបញ្ជាក់ថា ទង្វើនេះ បានធ្វើឲ្យរាំងស្ទះដល់កិច្ចដំណើរការនីតិវិធីយ៉ាងធ្ងន់ធ្ងរ និងដោយចេតនា។៕
ចុះផ្សាយនៅថ្ងៃ៖
