លោក កឹម សុខា សំដែងការសោកស្តាយទៅកាន់អ្នកសារព័ត៌មានដោយសារតែតុលាការហាមធ្វើនយោបាយ
លោក កឹម សុខា សំដែងការសោកស្តាយទៅកាន់អ្នកសារព័ត៌មាន ដោយសារតែតុលាការហាមលោកធ្វើនយោបាយ ហើយលោកមិនដឹងថា លោកត្រូវប្រើភាសាអ្វី ទៅកាន់អ្នកសារព័ត៌ និងពលរដ្ឋ ដែលមិនមែនជាភាសានយោបាយ ខណៈលោកគឺជាអ្នកនយោបាយ។ ដូច្នេះលោកសូមមិននិយាយអ្វីទៅកាន់អ្នកសារព័ត៌មានឡើយ។ ការថ្លែងយ៉ាងខ្លីរបស់លោក កឹម សុខា យ៉ាងដូច្នេះ គឺក្រោយពីលោកទទួលជួបឯកអគ្គរដ្ឋទូតអាមេរិកនៅរសៀលនេះ។ ចំណែក លោក Patrick Murphy ឯកអគ្គរដ្ឋទូតអាមេរិកប្រចាំកម្ពុជាបានថ្លែងទៅកាន់អ្នកសារព័ត៌មានថា លោកសោកស្តាយដែលលោក កឹម សុខា ត្រូវបានជាប់ឃុំអស់រយៈពេល២ឆ្នាំមកនេះ។ ឯកអគ្គរដ្ឋទូតរូបនេះបន្តថា លោកចង់ឃើញកម្ពុជាដោះលែងសកម្មជនយោបាយទាំងអស់ឲ្យមានសេរីភាពពេញលេញឡើងវិញ ហើយបើធ្វើបានដូចនេះវាគឺផ្នែកសំខាន់មួយដែលធ្វើឲ្យទំនាក់ទំនងរវាងកម្ពុជានិងអាមេរិកកាន់តែល្អប្រសើរ។
ចុះផ្សាយនៅថ្ងៃ៖
