លោកមឿន តុលា៖ មានកុមារខ្មែរខ្លះត្រូវគេកាត់ដៃ ខ្វេះភ្នែកដើម្បីឲ្យសុំទាននៅថៃ
ចុះផ្សាយនៅថ្ងៃ៖
ស្តាប់ - ០៨:៤៩
លោក មឿន តុលា ប្រធានកម្មវិធីសិទ្ធិការងារ របស់មជ្ឈមណ្ឌលអប់រំច្បាប់សម្រាប់សហគមន៍ បានប្រាប់យើងរួចហើយ កាលពីម្សិលមិញថា អង្គការរបស់លោក កំពុងចងក្រងពលករខ្មែរ នៅប្រទេសថៃ ជាសមាគម។ សមាគមមិត្តភាពកម្មករ និយោជិត កម្ពុជាប្រចាំប្រទេសថៃ ត្រូវគេរំពឹងនឹងក្លាយជាសកម្មភាពមួយដើម្បីឲ្យពលករខ្មែរចេះជួយគ្នា នៅលើទឹកដីរបស់គេ។ ក្នុងពេលចុះទៅដល់ប្រទេសថៃដើម្បីបង្កើតសមាគមនេះ លោក មឿន តុលា បានមើលឃើញីទុក្ខលំបាកនានា របស់ពលករចំណាកស្រុកកម្ពុជា។ នៅក្នុងកិច្ចសន្ទនាបន្ត ជាមួយ អ៊ឹម ណាវិន នៅថ្ងៃនេះ មន្ត្រីអង្គការក្រៅរដ្ឋាភិបាលរូបនេះ លើកឡើងថា មានប្រជាពលរដ្ឋខ្មែរមួយចំនួន បានប្រកបរបរសុំទាននៅប្រទេសថៃ ក្នុងនោះក៏មានកុមារដែរ ។កុមារខ្លះមុននឹងក្លាយជា អ្នកសុំទាន ត្រូវគេកាត់ដៃ ខ្វេះភ្នែក។