បទយកការណ៍
ឳពុក ម្ដាយ មួយចំនួនដឹកដៃកូនចូលស្ថានទូតបារាំង ដើម្បីបំផុសគំនិតស្រឡាញ់ធម្មជាតិ
ចុះផ្សាយនៅថ្ងៃ៖
ស្តាប់ - ០៨:៥៧
ម្សិលមិញនៅក្នុងឱកាសទិវាបេតិកភណ្ឌ ស្ថានទូតបារាំងនៅភ្នំពេញ បានបើកទ្វារ ពេញមួយថ្ងៃដើម្បីឲ្យសាធារណៈជនចូលទស្សនា។ ហើយគោលដៅចំបង ដែលគេចង់ឃើញគឺសម្រស់ធម្មជាតិប្រៀបដូចជាកូនព្រៃដុះឡើងនៅកណ្ដាលក្រុង ភ្នំពេញ។ ភាគច្រើននៃអ្នកចូលទស្សនាជាយុវជន។ ទន្ទឹមនឹងវត្តមានយុវជន ឳពុក ម្ដាយ បាននាំកូនតូចៗ មកមើលធម្មជាតិនៅទីនោះជាមួយនឹងការពន្យល់ពីសារៈសំខាន់នៃធម្មជាតិដល់ពួកគេ។ អេង គីមហុង អ្នកកាសែតវិទ្យុបារាំងបានជួបសម្ភាសឳពុក ម្ដាយ ទាំងនោះដោយពួកគាត់បានលើកឡើងស្រដៀងគ្នាថា ចង់បំផុសគំនិតកូនៗឲ្យស្រឡាញ់ធម្មជាតិចាប់ពីពេលនេះទៅ។