ទម្រង់សិល្បៈបុរាណខ្លះ អាចនឹងផុតពូជ បើមិនដាក់ឲ្យកូនសិស្សជំនាន់ក្រោយរៀនឲ្យច្រើននោះទេ!
ចុះផ្សាយនៅថ្ងៃ៖
ស្តាប់ - ១០:២៧
ថ្ងៃសុក្រនេះ និងថ្ងៃសៅរ៍ស្អែក គឺមានការសម្តែងប្រវត្តិមួយសតវត្សរ៍នៃរបាំព្រះរាជទ្រព្យខ្មែរ, រាត្រីនៃការសម្តែងរបាំបុរាណ និងល្ខោនខោលនៅសាលមហោស្រពចតុម្មុខ។ តួអង្គឯកសំខាន់ពីរនាក់នៅក្នុងពិធីនេះ បានបញ្ចេញយោបល់ថា ក្រសួងវប្បធម៌និងក្រសួងអប់រំ គួរតែសហការគ្នាឲ្យបានច្រើនជាងរាល់ថ្ងៃនេះ ដើម្បីដាក់បញ្ចូលទម្រង់សិល្បៈបុរាណខ្មែរ ទៅក្នុងការសិក្សាគ្រប់កម្រិត ព្រោះទម្រង់សិល្បៈខ្លះ កំពុងតែប្រឈមមុខនឹងការរលត់ផុតពូជ។ គ្រូចាស់ៗមួយចំនួនបានបាក់ទឹកចិត្ត ហើយកូនសិស្សថ្មីក៏មិនសូវចុះឈ្មោះចូលរៀនទៀត។ ដូច្នេះ ការដាក់ឲ្យក្មេងរៀនសិល្បៈបានកាន់តែច្រើន គឺជួយពង្រស់ទម្រង់សិល្បៈឡើងវិញ ផ្តល់ការងារឲ្យអ្នកសិល្បៈធ្វើ ថែមទាំងបង្កើនការប្រកួតប្រជែងរកគំនិតឆ្នៃប្រឌិតថ្មីថែមទៀតផង។