និស្សិតខ្មែរជិត១០០នាក់ ទទួលអាហារូបករណ៍ទៅរៀនបន្ត នៅប្រទេសបារាំង
ចុះផ្សាយនៅថ្ងៃ៖
ស្តាប់ - ០៨:១៦
នៅឆ្នាំនេះ និស្សិតខ្មែរនាក់៩៨នាក់ បានជាប់អាហារូបករណ៍ទៅបន្តការសិក្សា ថ្នាក់បរិញ្ញាបត្រជាន់ខ្ពស់ ឬថ្នាក់បណ្ឌិត ឬក៏បណ្តុះបណ្តាលវិជ្ជាជីវៈ នៅប្រទេសបារាំង។ ពួកគេទាំងនោះភាគច្រើនជានិស្សិតរៀនថ្នាក់ភាសាបារាំង នៅតាមបណ្តាសាកលវិទ្យាល័យដែលទ្រទ្រង់ដោយសហប្រតិបត្តិការបារាំង។ ថ្លែងនៅក្នុងពិធីអបអរជូនដំណើរនិស្សិតពីល្ងាចមិញ នៅវិទ្យាស្ថានបារាំងក្នុងក្រុងភ្នំពេញ លោកឯកអគ្គរដ្ឋទូត ហ្សង់-ក្លូដ ពាំបឺហ្វ និងលោករដ្ឋមន្ត្រីក្រសួងអប់រំ ហង់ ជួន ណារ៉ុន មានក្តីសង្ឃឹម និងជំនឿជាក់ថា និស្សិតទាំងនោះនឹងរៀនបានជោគជ័យ ហើយនឹងត្រឡប់យកចំណេះដឹង មកជួយអភិវឌ្ឍមាតុភូមិកម្ពុជា។