មានពិព័រណ៍រូបថត និយាយពីបទល្មើសព្រៃឈើ ការប្រែប្រួលអាកាសធាតុ និងការអភិវឌ្ឍ តាមសហគមន៍
ចុះផ្សាយនៅថ្ងៃ៖
ស្តាប់ - ០៨:៥២
ជាច្រើនថ្ងៃមកហើយ ដែលរូបថត និយាយពីបញ្ហា ការកាប់បំផ្លាញព្រៃឈើ បទល្មើសនេសាទ ផលប៉ះពាល់ពីការប្រែប្រួលអាកាសធាតុ និងការអភិវឌ្ឍ ជាដើម ត្រូវបានគេតំាងបង្ហាញ នៅឯមជ្ឈមណ្ឌលបុប្ផាណា។ រូបថតដែលតំាងបង្ហាញនោះ ជាបញ្ហានៅតាមសហគមន៍ និងជាស្នាដៃថតរូប របស់ប្រជាសហគមន៍ផ្ទាល់។ ពិព័រណ៍រូបថត នេះ រៀបចំឡើង ដោយអង្គការអភិវឌ្ឈន៍សំឡេងសហគមន៍។ នៅកន្លែង តំាងពិព័រណ៍ផ្ទាល់ អ្នករៀបចំកម្មវិធី នៃអង្គការ នេះ និយាយថា អង្គការអភិវឌ្ឍន៍សំឡេងសហគមន៍ មានបេសកកម្មជួយប្រជាសហគមន៍ ឲ្យមានលទ្ធភាពបង្ហាញពីបញ្ហានៅមូលដ្ឋាន ដល់សាធារណជន។ មុនមានការតំាងពិព័រណ៍នេះ ម៉ាស៊ីនថតរូប ជាង៣០០ ត្រូវបានផ្តល់ជូនប្រជាសហគមន៍ នៅទូទំាងប្រទេស។