យើងដឹងហើយថា ជនជាតិដើមភាគតិច ដែលរស់នៅក្នុងខេត្តរតនគិរី ខេត្តមណ្ឌលគិរី ចេះលក់ដូរ កសិផលទំាងឡាយ ដែលមានជាច្រើនឆ្នាំមកហើយ។ ប៉ុន្តែពេលនេះ ការលក់ដូររបស់ពួកគាត់ កាន់តែមានលក្ខណៈប្រសើរឡើង។ ប្រសើរដោយសារពួកគាត់ចេះឡើងចុះ ថ្លៃទំនិញ តាមភាពជាក់ស្តែង។ បច្ចុប្បន្ន ជនជាតិដើមភាគតិច នៅខេត្តរតនគិរី បាននាំបន្លែ ត្រី សាច់ ដែលមានមកលក់លើទីផ្សារ ទំាងព្រឹកទំាងល្ងាច ខុសពីពេលមុន ដែលពួកគាត់ចូលផ្សារតែពេលព្រឹកប៉ុណ្ណោះ។ ជនជាតិដើមភាគតិច សម័យឥឡូវ ថាខ្លួនមិនចេះនៅទំនេរ ដូចមនុស្សសម័យមុនឡើយ គឺពួកគាត់ចង់ធ្វើខ្លួនដូចជាជនជាតិចិនឬខ្មែរអ្នកលក់ដូរ។
